सचिन सरतापे (प्रतिनिधी, म्हसवड) मोबा.9075686100
शिखर शिंगणापूरच्या पोलीस पाटलांवर कडक कारवाई व्हावीः अमोल शेंडे
म्हसवड : शिंगणापूर ता.माण येथील पोलीस पाटील श्री.संतोष बोराटे यांच्याकडे स्थानिक नागरीक श्री.अमोल शेंडे यांनी पासपोर्ट साठी राहिवाशी दाखला व चांगल्या वर्तणुकीचा दाखल्याची मागणी केली असता पोलीस पाटील यांनी १०० रुपयांची लाचेची मागणी केल्याने श्री.शेंडेंनी माण खटावचे उपविभागीय अधिकाऱ्यांना त्यासंदर्भात कडक कारवाई करणेची व न्यायालयाकडून न्याय मिळण्याची विनंती केल्याची माहिती मिळाली आहे .
याविषयी पत्राद्वारे मिळालेली माहिती अशी की,श्री.शेंडे शिखर शिंगणापूरचे राहिवाशी आहेत त्याचं गावचे श्री.बोराटे पोलीस पाटील म्हणून कार्यरत आहेत.काही दिवसांपूर्वी श्री.शेंडे यांनी परदेशी जाण्यासाठी आॅनलाईन पासपोर्ट अर्ज केला होता.त्या अर्जावरून दहिवडी पोलीसांनी पोलीस पाटील यांच्याकडून वर्तणुक व राहिवाशी दाखला आणणेस सांगितले.त्यामुळे त्यांनी दिः०९/०३/२०२३ रोजी समक्ष भेटून दाखल्याची मागणी केली असता श्री.बोराटे यांनी अधिकाराचा गैरवापर करत हिनतेची व असभ्यतेची वागणूक देत ‘तुला दाखला हवा असेल तर १०० रुपये मला द्यावे लागतील’असे सांगण्यात आले ,त्यावरून श्री.शेंडे यांनी १०० रुपये कशासाठी मागत आहात अशी विचारणा केल्याने पोलीस पाटील श्री.बोराटे यांनी श्री.शेंडेंच्या अंगावर धावून जात आता तु दाखला मिळवून दाखव,असे अमोल शेंडे यांनी तक्रार केलेल्या पत्रात म्हटले आहे.
तसेच पोलीस पाटील यांनी लाच मागितल्याबद्दल कडक कारवाई व्हावी व मला हुजूर न्यायालयाकडून न्याय मिळावा,असे उपविभागीय अधिकाऱ्यांना सादर केलेल्या पत्रात नमुद केले आहे.
सदर प्रकरणात मला न्याय नाही मिळाला आणि असेच त्रास जनतेला वारंवार होणार असेल तर पोलीस पाटील यांचेवर कारवाई होणे गरजेचे आहे यासाठी पालकमंत्री शंभूराजे देसाई याच्याकडे मागणी केली आहे
याप्रकरणात पोलीस पाटील व श्री.शेंडे यांचा वाद थांबणार का, उपविभागीय अधिकारी कारवाई करणार? आणि अशा गावातील सामान्य लोकांना दाखल्यासाठी लाचच द्यावी लागणार का?याकडे माणसह जिल्ह्याचे लक्ष लागले आहे
