माथेरान निवडणूक आढावा
ज्येष्ठ पत्रकार दिलीप मालवणकर, अंबरनाथ यांचे मनोगत !!
जगदीश का. काशिकर,
मुक्त पत्रकार व गुंतवणुक/रोजगार – नोकरी/कामगार समस्या/कायदे सल्लागार, मुंबई, महाराष्ट्र. व्हाटसअप – ९७६८४२५७५७.
माथेरानला निवडणूक आढावा व प्रचारासाठी आलो आहे. थंडीतही माथेरान तापले आहे. पर्यटक मोठ्या संख्येने आले असून घोडेवाले त्यांची मनमानी लूट करीत आहेत. E रिक्षा नावाला आहेत.
माथेरान नगर परिषदेच्या या निवडणुकीचे वैशिष्टय असे की येथे परस्पर विरोधी विचारसरणीच्या पक्षांची युती झाली आहे. एकीकडे उबाठा व अजित पवारांच्या युतीचे उमेदवार शिव राष्ट्र पॅनल मध्ये आहेत तर दुसरीकडे शिंदे सेना व भाजप या साप-मुंगुसाची युती आहे.
नगराध्यक्ष पदासाठी राष्ट्रवादी अजित पवार गटाचे अजय काशिनाथ चौधरी हे शिवसेना उबाठा युतीच्या शिवराष्ट्र पॅनलचे उमेदवार आहेत तर शिंदे सेना व भाजपा रिपाईच्या आघाडीचे चंद्रकांत अरुण चौधरी हे शिंदे सेनेचे नगराध्यक्ष पदाचे उमेदवार आहेत. संपूर्ण महाराष्ट्रात परस्पर विरोधक असलेले शिवसेना उबाठा व राष्ट्रवादी अजित पवार हे येथे एकत्र आले आहेत. तर सद्या ज्यांच्यातून विस्तव जात नाही व आरोप प्रत्यारोपांच्या दुगुण्या झाडल्या जात असलेले भाजपा व शिंदे सेना येथे गळ्यात गळा घालून मतदारांना समोरे जात आहेत. त्या दृष्टीने ही निवडणूक वैशिष्टयपूर्ण असून मतदारांच्या मनात संभ्रम निर्माण करणारी आहे.
असे असले तरी ज्यांना माथेरानची भौगोलिक परिस्थिती ठाऊक आहे त्यांना याचे आश्चर्य वाटणार नाही. माथेरान गिरीस्थान नगर पालिकेचे भौगोलिक क्षेत्रफळ अवघे 7 चौरस किमी आहे व लोकसंख्या इतकी अल्प आहे की नगर पालिकेचा एक प्रभाग ही संपूर्ण माथेरान नगर परिषदे पेक्षा मोठा असतो. माथेरान नगर परिषद ही पनवेल नंतरची सर्वात जुनी नगर परिषद आहे. तीची स्थापना १२० वर्षांपूर्वी.१९०५ साली झाली आहे. माथेरानची लोकसंख्या २००१ च्या जनगणने नुसार ५००० च्या आसपास आहे. तसेच संपूर्ण नगर परिषदेची मतदार संख्या ४५०० इतकी आहे. प्रत्येक प्रभागात ४५० हो ४५० इतके सरासरी मतदार आहेत.तर एका प्रभागात फक्त २५४ मतदार आहेत. ही मतदार संख्या शहरी भागसतील लोकांना अविश्वसनीय वाटेल. इतक्या अल्प मतदारांमधुन निवडून येणे वाटते तितके सोपे नसते. एक एक मत लाख मोलाचे असते.ते मिळवण्यासाठी उमेदवारांना प्रयत्नांची परकाष्ठा करावी लागते. कारण जय- पराजय हा एक- एक मत ठरवणारा असतो.
