नवरात्रोत्सवाच्या चौथ्या माळेला जोतिबा दर्शनासाठी भाविकांची अलोट गर्दी झाली . नवरात्रोत्सवाच्या चौथ्या माळेला जोतिबाची पाच कमळ पुष्प पाकळ्यामध्ये सालंकृत महापूजा बांधली .
कोल्हापूर (माणगंगा प्रतिनिधी कमल धडेल )
नवरात्रोत्सवाच्या चौथ्या माळे निमित सोहन कमळातील महापूजा श्रीचे पुजारी देवराज मिटके , उमेश शिंगे, श्रीचरण झूगर , अंकुश दादर्णे , रमेश ठाकरे यांनी बांधली . सकाळी १० वाजता यमाई मंदिराकडे वाजत गाजत धुपारती सोहळा निघाला . उंट , घोडे ,वाजंत्री देव सेवक श्री. चे पुजारी सह नवरात्र उपासकाचा लवाजमा सहभागी झाला होता .नवरात्रोत्सवात सलग दहा दिवस हा धुपारती सोहळा निघतो . चौथ्या माळेलाच भाविकांनी जोतिबा दर्शनासाठी मोठी गर्दी केली . तेल अर्पण करण्यासाठी महाराष्ट्रासह कर्नाटकातील भाविकांची गर्दी झाली होती .
दर्शन मंडपमध्ये भाविकांच्या दर्शन रांगा लागल्या होत्या . दर्शन रांग नियंत्रणासाठी कोडोली पोलिस स्टेशनचे पोलिस,देवस्थान समिती चे कर्मचारी व सुरक्षा रक्षक ,जोतिबा पुजारी समितीचे कर्मचारी स्थानिक पुजारी तैनात होते . वाहन पार्किंग जागेवर खाजगी वहानाची मोठी गर्दी झाली .एस.टी. महामंडळाने जादा गाडयाची सोय केली .
कर्नाटक डेपो चाही गाडया मोठ्या प्रमाणात होत्या .तेल , नारळ मेवा मिठाई ची विक्री मोठया प्रमाणात झाली .मंदिरात रात्री ज्योतिर्लिंग भजनी मंडळाच भजनाचा कार्यक्रम झाला . मछिंद्र डवरी ,गजानन डवरी, विश्वनाथ डवरी यांनी डवरी गीते सादर केली . रात्री उशिरा पर्यंत भाविक दर्शनासाठी येतच होते .रात्री १२ .३० वाजता त्रिकाळ आरती करून १ वाजता मंदिराचे दरवाजे बंद केले .