कोल्हापूर दि . १४( प्रतिनिधी माणगंगा कमल धडेल )
श्री . क्षेत्र जोतिबा डोंगरावर पहिला पालखी सोहळ्या मोठया धार्मिक उत्साहात पार पडला .
खंडेनवमी निमित्त दिवे ओवाळणी ,शस्त्र पुजन , घट उठविणचा विधी झाला . कर्नाटकचे खा . अण्णासाहेब जोल्ले , ना मंत्री शशिकला जोल्ले , खा धैर्यशील माने यांनी जोतिबा दर्शन घेतले .
जोतिबाची श्री .कृष्ण रूपात महापूजा बांधली .
सोमवारी सकाळी ९ वाजता खंडेनवमी निमित उंट , घोडे ,वाजंत्री , देव सेवकाच्या लवाजम्यासह श्री . जोतिबा देवाचा पालखी सोहळा मंदिर प्रदक्षिणेसाठी निघाला . स्थानिक पुजारी व भाविकांनी गुलाल खोबऱ्याची उधळण करून चांगभलं चा गजर केला . पोलिस बँडची “जोतिबा च्या नावान चांगभलं ” ची धुन लसवेधी ठरली. निवृत्त डीवायएसपी आर .आर .पाटील , पोलिस मुख्यालय डीवायएसपी प्रिया पाटील यांच्या सहकार्यामुळे हा पोलिस बँड मिळाला .
जोतिबा पुजारी समितीने पोलिस बँडची मागणी केली होती .ढोल , तुतारी , डवर , कैंचाळच्या आवाजाने मंदिर परिसर दुमदुमून गेला .ढोलीची झुलवे ,डवरीची डवरी गीते , म्हालदाराची ललकारी झाली . पालखी समवेत श्रीचे मुख्य पुजारी , मानाचे समस्त दहा गावकर, देव सेवक , जोतिबा देवस्थान समितीचे प्रभारी महादेव दिंडे , सरपंच राधा बुणे , पोलिस पाटील बाळासाहेब पाटील उपस्थित होते .
तोफेची सलामी होताचा पालखी सोहळ्याची सांगता झाली . सकाळी १० वाजता धुपारती सोहळ्याने जोतिबा , यमाई , तुकाई , भाव काई मंदिरातील घट उठविण्याचा विधी झाला. सडा रांगोली, पाय पुजनाने धुपारतीचे स्वागत करण्यात आले . महिलांनी सुगंधी दुध वाटप केले . शस्त्र पुजन करण्यात. कर्पुरेश्वर तीर्थ कुंडात दिवा सोडण्याचा विधी झाला . दुपारी १ . ३० वाजता परत जोतिबा मंदिरात धुपारतीची सांगता तोफेच्या सलामी ने झाली . अंगारा वाटप करून नवरात्र उपवासाची सांगता झाली .
