लाडकी बहिण योजनेत बदल
अर्ज भरण्यासाठी बहीण आणि दाजीची मोठी दमछाक
शिरपूर:- महाराष्ट्र सरकारने मुख्यमंत्री लाडकी बहीण योजनेचा विधानसभेच्या तोंडावर घाईघाईने घोषणा केली परंतु दररोज नियमात बदल होत असल्यामुळे बहीण आणि दाजीची मोठी दमछाक होत आहे .
मुख्यमंत्री एकनाथ शिंदे व उपमुख्यमंत्री अजित पवार यांनी लाडकी बहीण योजना सुरू करून दर महिन्याला पंधराशे रुपये महिलांना मिळणार असल्याची घोषणा केली. एक ते पंधरा जुलै वेळ दिला पुन्हा ३१ ऑगस्ट पर्यंत वाढवून वेळ दिला जशी घोषणा झाली तेव्हापासून बहिणीच्या पायाला दम नाही सोबत दाजीची सुद्धा कागदपत्रे जमा करताना दमछाक झाली आहे. परंतु सरकारने पुन्हा सुधारित पद्धतीने तहसीलदार यांचे उत्पन्न दाखला व रहिवासी दाखला ही आठ शिथल करून दिलासा दिला.
दररोज महिलांची ऑनलाईन सेंटर मध्ये गर्दी झाली आहे. तर काही घरी नवीन सुनबाई आली असल्याने तिचे नाव आधार कार्ड मध्ये आले नाही रेशन कार्ड मध्ये नाही यामुळे पुन्हा गोंधळ उडाला परंतु यामध्ये मार्ग काढून ऑनलाईन करता हमीपत्र दररोज बदल होत आहे.ज्यांनी ह्यापूर्वी केलेे त्यांना पुन्हा हमी पत्रासाठी ऑनलाइन सेंटरवर येऊन योजनेचा लाभ घेण्यासाठी जुळवाजुळ करावी लागत आहे. यातच सरकारने महिलांच्या वयात मर्यादा २१ ते ६५ वर्षे केले मग दादासाहेब तुम्ही सांगा आमचं लग्न शासकीय नियमाप्रमाणे १९ व २० वर्षी झाले मग .आम्ही या योजनेत सहभागी कसे नाही साहेब एका बहिणीला योजना आणून लहान बहिणीला वंचित राहावे लागते याकडे लक्ष देऊन पुन्हा एकदा परिपत्रक काढावे शिवाय रक्षाबंधनाच्या अगोदर बहिणीला तीन महिन्याची भेट म्हणून ४५०० खात्यात जमा करावे शिवाय विवाहित महिला व बहीण योजनेपासून वंचित राहू नये अशी मागणी जोर धरीत आहे.
चौकट…
रेशन कार्डवर सासरी अजुन बहीणीचे नावच नाही…
राज्य सरकारने मुख्यमंत्री लाडकी बहीण योजना सुरू केली आहे. ह्या योजनेत सहभागी होण्याकरता लाडक्या बहिणीकडे पिवळे किंवा केशरी राशन कार्ड असणे अत्यंत गरजेचा आहे. परंतु काही लाडक्या बहिणीचे नाव सासरी आणखीही पिवळ्या व केसरी राशन कार्ड वर लागलेले नाही. त्यामुळे या लाडक्या बहिणी या योजने पासून वंचित राहणार आहेत.