सांगलीत पत्रकार संवाद यात्रेचे मोठ्या उत्साहात स्वागत
लोकशाहीचा बळकटीसाठी, पत्रकारांच्या हक्कासाठी महाराष्ट्र राज्य मराठी पत्रकार संघाचे प्रदेशाध्यक्ष वसंत मुंडे यांच्या नेतृत्वाखाली नागपूर दीक्षाभूमी ते मंत्रालय काढण्यात येणाऱ्या पत्रकार संवाद यात्रेचे आज सांगली जिल्ह्यात आगमन झाले. या पत्रकार संवाद यात्रेचे महाराष्ट्र राज्य मराठी पत्रकार संघाचे संघटक संजय भोकरे (साहेब) यांच्या हस्ते मोठ्या उत्साहात स्वागत करण्यात आले.
यावेळी महाराष्ट्र राज्य मराठी पत्रकार संघाचे प्रदेशाध्यक्ष वसंत मुंडे यांनी सांगली जिल्ह्यातील पत्रकारांशी पत्रकारांचे प्रश्न, मागण्या या विषयावर संवाद साधला. यावेळी पत्रकार संघाचे संघटक संजय भोकरे (साहेब), सरचिटणीस डॉ. विश्वास आरोटे, डिजीटल मीडिया संघटनेचे प्रदेशाध्यक्ष सिद्धार्थ भोकरे, दै. जनप्रवासचे कार्यकारी संपादक अमृत चौगुले, पत्रकार संघाचे ग्रामीण जिल्हाध्यक्ष प्रताप मेटकरी यांची प्रमुख उपस्थिती होती.
