आपण सर्व मिळून देश सायबर क्राईम मुक्त करु या अॅड. चैतन्य भंडारी यांचे आवाहन !!
जगदीश का. काशिकर,
मुक्त पत्रकार व गुंतवणुक/रोजगार – नोकरी/कामगार समस्या/कायदे सल्लागार, मुंबई, महाराष्ट्र. व्हाटसअप – ९७६८४२५७५७
धुळे : देशभरात ऑक्टोबर महिना हा सायबर अवेरनेस म्हणून साजरा केला जातो. या संदर्भात १ ऑक्टोबर रोजी सायबर अवेरनेस फाऊंडेशनचे अध्यक्ष अॅड. चैतन्य भंडारी यांनी धुळयात एक वेगळा उपक्रम धुळे येथील सुप्रसिध्द द जिम येथे राबवलेला आहे. या उपक्रमात शारिरीक फिटनेससह सायबर सुरक्षे संदर्भात सावधानता कशी बाळगली पाहिजे याबाबत सर्वसामान्य जनतेला अॅड. भंडारी यांनी मार्गदर्शन केले. जिममध्ये येणा-या नागरीकांना सायबर गुन्हेगाराविषयी नवनवीन तंत्रज्ञानाचा अवलंब करून जनतेची सायबर गुन्हेगार कशी फसवणुक करतात यासंदर्भात सावध केले.
यावेळी त्यांनी असे देखील सांगितले की, जसे आपण आपले आरोग्याची काळजी घेतो तसेच आपण या तंत्रज्ञानाचा वापर करताना देखील आपण आपला कसा बचाव करता येईल याबाबत अॅड. भंडारी यांनी जिममध्ये उपस्थित असलेल्या नागरीकांना मार्गदर्शन केले. देशभरात ऑक्टोबर हा महिना सायबर जनजागृती दिवस म्हणून साजरा केला जातो आणि आपण देखील हा संपुर्ण महिना कशा प्रकारे साजरा केला पाहिजे जेणेकरुन सामान्य नागरीक सायबर सुरक्षित राहील असे सांगितले व त्यांनी आधारकार्ड सुरक्षेविषयी देखील माहिती दिली तसेच सोशल मिडीयाचा वापर करतांना आपण कुठल्या चुका न केल्या पाहिजे याबाबत देखील त्यांनी यावेळी सांगितले.
यावेळी द जिमचे संचालक श्री. शशिकांत अग्रवाल, अभिषेक अग्रवाल व जिममध्ये येणारे नागरीक मोठया संख्येने उपस्थित होते.
