प्रविण अहिरे
वाघडू ता चाळीसगाव सटाणा तालुक्यातील खमताने येथे १०वर्षीय चिमुरडीवर ७० वर्षीय वृद्धाने केलेल्या अत्याचाराचा चाळीसगाव येथील संत सेना महाराज नाभिक संघाने तीव्र निषेध केला असून या नराधमाला फाशीची शिक्षा ठोठवावी अशी मागणी केली आहे.या मागणीचे निवेदन बुधवारी चाळीसगाव तहसीलदार व शहर पोलीसांना देण्यात आले. यावेळी नाभिक समाजबांधव मोठ्या संख्येने उपस्थित होता.
श्री संत सेना महाराज नाभिक संघ चाळीसगावने दिलेल्या निवेदनात म्हटले आहे की, सटाणा तालुक्यातील खमताने गावात नाभिक समाजातील १० वर्षीय चिमुरडीवर ७०वर्षीय वृद्ध नराधमाने लैंगिक अत्याचार केला. हा प्रकार अत्यंत घृणास्पद असून अशा राक्षसी प्रवृत्तीच्या हैवानांवर तात्काळ गुन्हा दाखल करून त्यास फाशीची शिक्षा देण्यात यावी व बालीकेला न्याय मिळवून द्यावा अशी मागणी केली.
बालीकेवर अत्याचार करणार्या नराधमाला फाशीची शिक्षा द्या या मागणीसाठी समाजबांधव मोठ्या संख्येने एकत्र येत या घटनेचा निषेध केला.यावेळी सकल श्री संत सेना महाराज नाभिक संघ चाळीसगावचे पदाधिकारी व ग्रामीण भागातील वाघडू,सायगाव पिलखोड,देवळी,आडगाव, टाकळी प्र.दे.टाकळी प्र. चा.उंबरखेड, येथील नाभिक समाज बांधव उपस्थित होते. मागणीचे निवेदन चाळीसगाव तहसीलदार व शहर पोलीस निरीक्षकांना देण्यात आले.
