खानापूर तालुका पत्रकार संघटनेच्या तालुकाध्यक्षपदी गणेश धेंडे यांची फेरनिवड…..खानापूर तालुका मराठी पत्रकार संघटनेची नूतन कार्यकारिणी जाहीर
खानापूर तालुका मराठी पत्रकार संघटनेची नूतन कार्यकारिणी जाहीर
विटा/प्रतिनिधी
खानापूर तालुका ग्रामीण मराठी पत्रकार संघटनेच्या तालुकाध्यक्षपदी गणेश धेंडे यांची तर तालुका उपाध्यक्षपदी संजय सागर व संजय डोंगरे यांची सर्वानुमते फेरनिवड करण्यात आली. गजानन बाबर, सदाशिव डोंगरे या दोघांची जिल्हा कार्यकारिणी सदस्यपदी निवड करण्यात आली. याबाबत निवडीचे अधिकृत पत्र पत्रकार संघाचे जिल्हाध्यक्ष प्रताप मेटकरी आणि जेष्ठ मार्गदर्शक पांडुरंग डोंगरे यांच्या हस्ते प्रदान करून नवनिर्वाचित पदाधिकार्यांचा सत्कार करण्यात आला.
खानापूर तालुका ग्रामीण मराठी पत्रकार संघटनेच्या पदाधिकारी निवडीसाठी शासकीय विश्रामगृहात पत्रकार संघाचे जिल्हाध्यक्ष प्रताप मेटकरी यांच्या अध्यक्षतेखाली मार्गदर्शक पांडुरंग डोंगरे यांच्या प्रमुख उपस्थितीत खानापूर तालुक्यातील सर्व पत्रकारांची विशेष बैठक झाली. या बैठकीत नूतन पदाधिकार्यांच्या सर्वानुमते निवडी करण्यात आल्या. या निवडीनंतर सर्व सदस्यांना पत्रकार संघाच्यावतीने ओळखपत्राचे वाटप करण्यात आले.
या बैठकीत सर्वानुमते निवडलेले खानापूर तालुका ग्रामीण मराठी पत्रकार संघटनेचे नूतन पदाधिकारी व कार्यकारिणी अशी : मार्गदर्शक : दिलीपराव मोहिते, पांडुरंग डोंगरे, तालुकाध्यक्ष – गणेश धेंडे, तालुका उपाध्यक्ष – संजय सागर, संजय डोंगरे, सचिव – खजिनदार – महेश फासे, संघटक – अनिलदत्त डोंगरे, पोपट रास्ते, प्रसिद्धी विभागप्रमुख – महादेव धनवडे, सोशल मीडियाप्रमुख – राम शिंदे तालुका कार्यकारिणी सदस्य – अभिजीत शिंदे, चंद्रकांत जाधव, संदीप माने, सचिन निकम,तुषार टिंगरे, लक्ष्मण पाटील, दत्तात्रय डोंगरे, सिराज शिकलगार, विनायक देशपांडे, प्रवीण जावीर, पवन कांबळे, वैभव कुलकर्णी, प्रथमेश बामणे, अमोल सावंत, राहुल करडे, प्रणय देवकुळे, रविकुमार मगदूम, सागर कदम, विजय सूर्यवंशी, दीपक पवार, प्रमोद भोसले, सोहम भंडारे, सुरेश सरगर, मुरली आमणे, राजू खिलारे, रोहन टेके, संजय फासे.
यावेळी बोलताना जिल्हाध्यक्ष प्रताप मेटकरी म्हणाले, राज्य संघटक संजय भोकरेसाहेबांच्या मार्गदर्शनाखाली महाराष्ट्र राज्य मराठी पत्रकार संघटना राज्यातील पत्रकारांसाठी काम करत आहे. पत्रकार संघटनेच्या माध्यमातून पत्रकारांचे प्रश्न व अडचणी सोडविण्यासाठी नूतन पदाधिकार्यांनी काम करावे. भोकरेसाहेबांच्या संकल्पनेतून विटा नगरपालिकेने दिलेल्या 10 गुंठे जागेत राज्यातील रोलमॉडेल आणि सुसज्ज असे पत्रकार भवन विट्यात लवकरच उभारले जाणार आहे. पत्रकार भवन उभारणीसाठी खानापूर तालुक्यातील सर्व पत्रकारांनी एकसंघपणे काम करूया, असे आवाहन केले.
नवनिर्वाचित तालुकाध्यक्ष गणेश धेंडे म्हणाले, राज्य संघटक संजय भोकरेसाहेबांच्या मार्गदर्शनाखाली पत्रकार संघटनेच्या माध्यमातून खानापूर तालुक्यातील पत्रकारांचे प्रश्न व अडचणी सोडविण्यासाठी प्रयत्नशील राहीन. तालुकाध्यक्षपदाची मिळालेली जबाबदारी सर्व सहकारी पदाधिकाऱ्यांना सोबत घेऊन सक्षमपणे पार पाडून खानापूर तालुक्यात पत्रकार संघाचे काम अधिक प्रभावीपणे केले जाईल. स्वागत व प्रास्ताविक अभिजित शिंदे यांनी केले. आभार पांडुरंग डोंगरे यांनी मानले.
