कोल्हापूर ( माणगंगा प्रतिनिधी कमल धडेल )
दीड वर्षाच्या प्रतिक्षेनतर आज घटस्थापनेला मुहूर्तावर जोतिबा मंदिराचे दरवाजे उघडले . नवरात्रोत्सव काळात दररोज२२ तास मंदिर दर्शनासाठी राहणार खुले मात्र भाविकांना घातली ऑनलाईन दर्शन नोंदणी पासची अट .
www. shreejyotiba.com ही लिंक जोतिबा दर्शन पास साठी उपलब्ध करून दिली आहे . मंदिरात पुजा साहीत्य नेण्यास बंदी घातली आहे. १० वर्षाच्या आतील लहान मुलांना व ६५ वर्षावरील ज्येष्ठ नागरिकांना मंदिरात प्रवेश नाही . आधारकार्ड , नोंदणी पास ची झेरॉक्स प्रत दाखवावी लागणार आहे.
आज दख्खनचा राजा श्री . जोतिबा देवाच्या नवरात्रोत्सवास धार्मिक उत्साहात प्रारंभ झाला .पहिल्या माळेला जोतिबा देवाची नागवल्ली पानातील महापुजा बांधुन धुपारती सोहळ्याने घट बसविण्यात आले .
श्री . जोतिबा मंदिरात पहाटे ३ वाजता महाघंटेचा नाद करुन दरवाजे उघडण्यात आले .पहाटे ४ते ५ जोतिबा मूर्तीची पाद्य पुजा ‘ मुख मार्जन , काकड आरती झाली .पहाटे ५ते ६ पंचामृत महाभिषेक विधी झाला .६ वाजता घटस्थापने निमित्त नागवल्ली पानातील अलंकारी बैठी महापुजा बांधण्यात आली . ही पुजा प्रविण कापरे , अंकुश दादर्णे , उमेश शिंगे , कृष्णात शिंगे , आदिनाथ लादे , कृष्णात सांगळे , रमेश ठाकरे , सरदार सांगळे यांनी बांधली . पुजेसाठी खाऊ ची पाने खडकलाट ता चिकोडी येथील भाविकांनी दिली . जरबेरा फुलांची सजावट चव्हाण बंधु आष्टा ता वाळवा यांनी केली. .सकाळी ९ वाजता घटस्थापनेसाठी श्रीःचे पुजारी ‘ उंट , घोडे , देव सेवक ‘ वाजंत्री च्या लवाजमास धुपारती सोहळा निघाला .
देवस्थान समितीचे प्रभारी महादेव दिंडे ,सरपंच राधा बुणे’ सहभागी झाले होते .यमाई ‘ तुकाई ‘ भावकाई मंदिरात घट बसविण्यात आले .कर्पुरेश्वर तीर्थ कुंडात दिवा सोडण्याचा विधी झाला . दुपारी १ वाजता धुपारती जोतिबा मंदिरात आल्यावर तोफेची सलामी देऊन अंगारा वाटप केला . ऑन लाईन दर्शन पास नोंदणी केलेल्या भाविकांना मंदिरात प्रवेश दक्षिण दरवाज्यातुन दिला जात होता . उत्तर दरवाज्यातुन भाविक मंदिरा बाहेर येतात.कोडोली पोलिस ठाण्याचे सपोनि दिनेश काशिद यांच्या मार्गदर्शनाखाली पोलिस बंदोबस्त तैनात होता .
