झरेत चिमुकल्यांनी भरवला बाजार
झरे ता. आटपाडी येथील जि प शाळा माळवे वस्ती येथील चिमुकल्याने चक्क बाजारच भरवला या बाजारामध्ये भाजीपाला व अनेक खाद्यपदार्थ असे मुलांनी स्वतः तयार करून आणले होते
शालेय शिक्षणाबरोबर मुलांना व्यवहार ज्ञान मिळावे म्हणून येथील शाळेचे शिक्षक जोतीराम सोळसे व वैशाली कारंडे यांनी मुलांना व्यवहार ज्ञान यावे विक्री कशी करायची सुट्टे पैसे कसे द्यायचे किती रुपयाचा भाजीपाला घेतल्यानंतर किती रुपये ग्राहकाला परत द्यायचे हे सर्व व्यवहार ज्ञान मिळण्यासाठी बाजाराचे नियोजन केले होते.
तसेच शाळा, पालक, विद्यार्थी, समाज परस्पर आंतरक्रिया घडावी,विद्यार्थ्यांमध्ये सामाजिक भावना वाढीस लागावी. विद्यार्थ्यांचे संवाद कौशल्य वाढावे,विद्यार्थ्यांमध्ये पैशाची देवाणघेवाण घडावी. नाणी, नोटा या संकल्पना प्रत्यक्ष अनुभव मिळावा. यासाठी चिमुकल्यांच्या बाजाराचे नियोजन केले होते यावेळी नवनिर्वाचित लोकनियुक्त सरपंच अंकुशराव पाटील,उपसरपंच सिंधु भानुसे,ग्रामपंचायत सदस्या रेश्मा भानुसे . मंगल सुनिल पाटील, शाळा व्यवस्थापन समिती अध्यक्षा काजल चवरे,सोपान माळवे, अंगणवाडी सेविका मदतनीस व शाळा व्यवस्थापन समिती सदस्य,सर्व पालक, शिक्षक उपस्थीत होते.
