प्रसाद के न्युज कडून पो.ना.नितीन लोखंडे व पो. कॉ. तुकाराम ढाले यांच्या साहसी कार्यासाठी सत्कार
दिघंची प्रतिनिधी
दिघंची-आटपाडी पोलीस ठाण्याचे पोलीस नाईक नितीन अशोक लोखंडे व पोलीस कॉन्स्टेबल तुकाराम मारोती ढाले यांच्या कर्तव्यदक्षतेमुळे एका गरोदर माताचे प्राण वाचवण्यात यश आले आहे. त्यांच्या या साहसी कामगिरीसाठी प्रसाद के न्युज चे संपादक प्रसाद कडव यांच्या वतीने दोन्ही पोलीस कर्मचारी यांचा मानाची शाल-पुष्पगुच्छ देऊन दिघंची पोलीस ठाणे येथे सत्कार करण्यात आला
कामगिरीची सविस्तर माहिती अशी की, दि. 17 मार्च रोजी आटपाडी पोलीस ठाणे येथील डायल ११२ वर चिंचघाट येथे एक महिला अत्यवस्थेत पडलेली आहे, अशी माहिती मिळताच आटपाडी पोलीस ठाण्याचे पोलीस नाईक नितीन अशोक लोखंडे व पोलीस कॉन्स्टेबल तुकाराम मारोती ढाले. यांनी १७ किमी अंतरावर असलेले सदरचे ठिकाण अवघ्या २० मिनीटांत पोहचून सदर महिलेस येथून योग्य उपचाराकरीता ग्रामीण रूग्णालय आटपाडी येथे उपचारासाठी नेले असता तेथील उपचार करून पुढील उपचारासाठी सिव्हील हॉस्पीटल, सांगली येथे तात्काळ उपचारासाठी योग्य वेळेत दाखल केले.
पोलीस नाईक नितीन अशोक लोखंडे व पोलीस कॉन्स्टेबल तुकाराम मारोती ढाले. यांच्या या साहसी धाडसामुळे सदर महिलेचे प्राण वाचवण्यात यश आले आहे. सदर घटनेबाबत अधिक माहिती अशी की, तिचा नवरा व त्याचा साथीदार यांनी तिस मुलगा होत नाही, म्हणून मुंबई येथून आणून तिला चिंचघाट येथे घेवून जावून दोरीने फासलावून ती मेली आहे असे समजून तिला तेथेच फेकून निघून गेले होते. सदर बाबत गुन्हा दाखल करण्यात आला आहे. पोलीस कर्मचारी यांच्या या सतर्कतेमुळे त्या गरोदर महिलेवर योग्य वेळेत उपचार करून तिची प्रसूती व्यवस्तीत सुखरूप झाली. सध्या सदर महिला व तिचे मूल सुखरूप अवस्थेत आहेत.
या कामगिरीबद्दल आटपाडी पोलीस ठाण्याचे पोलीस नाईक नितीन अशोक लोखंडे व पोलीस कॉन्स्टेबल तुकाराम मारोती ढाले. याना कोल्हापूर परिक्षेत्राचे विशेष पोलीस महानिरीक्षक श्री सुनील फुलारी तसेच सांगली पोलीस अधीक्षक डॉ. बसवराज तेली यांच्या हस्ते प्रशंसा पत्रक देऊन सन्मानित करण्यात आले.
सदर साहसी कार्यातुन पोलीस सेवेचे एक उत्तम उदाहरण सर्वां समोर आलेले आहे.