गावागावात आली स्वस्तात मरणाची स्ट्रिंग’लहान मुले, प्रौढही गेले आहारी :
आटपाडी प्रतिनिधी
शहरी व ग्रामीण भागात धुमाकूळ घातलेली एनर्जी स्ट्रिंग च्या नावाखाली कॅफेनचे घटक असलेली थंडपेय बाजारात आली आहेत. पानपट्टीवर व इतर ठिकाणी सहजासहजी वीस रुपयांत हे पेय मिळत आहेत. यातून सौम्य प्रकारची नशा होत असल्याने लहान मुले, महिला पुरुषही या पेयाच्या आहारी गेले आहेत.
सध्या शहर व ग्रामीण भागात किराणा दुकान, हॉटेल, पानटपन्या थंडपेयाची दुकानांचे कप्पे एनर्जी ड्रिंक्सच्या बाटल्यांनी खचाखच भरलेली दिसतात,तर सर्वत्र या रिकाम्या बाटल्यांचा खच दिसून येत आहे. सहज व कमी पैशात मिळत असल्याने लहान मुले याच्या आहारी गेले आहेत. उच्चशिक्षण घेणाऱ्या विद्यार्थ्यांनीही रात्री झोप येऊ नये म्हणून याचा आधार घेतला जातो.
वाहनचालकही मोठ्या प्रमाणात याचे सेवन करत आहेत. लहान मुले पार्टी करण्यासाठी या बाटल्या घेतात आणि दोन-तीन बाटल्या रिचवतात.याचं सेवन केल्यास झोप येत नाही तर शरीरात स्फूर्ती निर्माण होते. पिल्यानंतर बराच काळ डोळे ताठर होतात आणि बन्यापैकी गुंगी येते. तोंडाचाही वास येत नाही. आणि झिंगही चार तास राहते. त्यामुळे सध्या याचा धोका माहीत नसलेले याच्या आहारी गेले आहेत.
दोन पन्नास मि.लि.च्या बाटलीत ७५ मिली ग्रॅमपेक्षा जास्त कैफेन घेऊ नये, अशी नोंदही या बाटलीवर आहे तर सूचनेत लहान मुले, गरोदर माता,कोणत्याही परिस्थितीत कॅफेन धोकादायक आहे. कॅफेन हे शंभर मिली ग्रॅमपेक्षा जास्त शरीरात गेल्यास जास्त नशा येते.
मेंदू, किडनी, मज्जारजू निकामी होतो. गरोदर माता, स्तनपान करणाऱ्या मातांनी हे घेऊ नये बाळाला अपंगत्व किया मानसिक विकलांगता येते. थोड्या प्रमाणात जरी चार-पाच वेळा घेतले तरी त्याचे व्यसनच लागते.- या बाटल्यांत प्रत्येक १०० मि.लि.ला २९ मिली ग्रॅम कॅफेन असल्याची नोंद आहे. मात्र या बाटल्या थेट २५० मिलीच्या आहेत,
तर दिवसभरात पाचशे मिलीपेक्षा जास्त घेऊ नये, असे स्पष्ट केले असले तरी या सहज उपलब्ध होत असलेल्या नशा गल्लोगल्ली मिळत असल्याने आता नवा धोका निर्माण झाला आहे. लहान मुलांच्या पालकांना आता सतर्क राहावे लागणार आहे.
फोटो स्ट्रिंग बाटली
