ग्रामीण भागातील गावं – गावच्या यात्रेतील कुस्त्यांचे फड मोकळेच …..
पैलवानांची संख्या घटू लागली. बोटावर मोजण्या एवढेच पैलवान फडात दिसताहेत
आटपाडी प्रतिनिधी
ग्रामीण भागामध्ये दरवर्षी देवांची यात्रा असते.या यात्रेमध्ये गजमृत्य, बैलगाडी शर्यती व कुस्ती प्रामुख्याने खेळ ठेवले जातात. फार पूर्वीपासून ही परंपरा चालत आली आहे. नागरिकांचाही गजनृत्य बैलगाडी शर्यत व कुस्ती हे खेळ बघण्यासाठी मोठा उत्साह असतो.
परंतु अलीकडच्या काळामध्ये जुन्या परंपरा मोडीत निघू लागले आहेत. पूर्वी गजनृत्या खेळण्यासाठी 60 ते 70 लोकांचा फड चालत असे, सध्या 20 ते 30 लोकं खेळताना दिसत आहेत. त्याचबरोबर बैलगाडी शर्यतीचे सुद्धा प्रमाण घटू लागले आहे. तर कुस्तीचा फड म्हटल्यानंतर शंभर ते दीडशे लहान-मोठे पैलवान कुस्ती खेळण्यासाठी फडात उतरत असत.
तीन ते चार तास यात्रेत कुस्ती चालत असे, परंतु अलीकडच्या काळामध्ये बोटं मोजण्या एवढेच तीन ते चार ते जास्तीत जास्त दहा पैलवान कुस्तीच्या फडामध्ये उतरलेले दिसत आहेत .
मागील काही दिवसापर्वी कुरुंदवाडी ता. आटपाडी येथे बिरोबा देवाची यात्रा दरवर्षी प्रमाणे भरवण्यात आली होती. ही यात्रा चार दिवस चालते पहिल्या दिवशी नैवेद्य नारळ देवाला दाखवले जातात, दुसऱ्या दिवशी दिवसभर 10ते15 गावचे गजनृत्य कार्यक्रम असतो तिसऱ्या दिवशी बैलगाडी शर्यती असतात. तर चौथ्या दिवशी कुस्त्या भरवल्या जातात.
परंतु सालाबाद प्रमाणे यावर्षी पैलवानांची मोजकीच संख्या फडामध्ये दिसत होती या पैलवानांच्या मोजक्याच संख्येने कुस्ती शौकिनांची मने नाराज झाली.
जसजसं सोशल मीडियाचा वापर होऊ लागला आहे तसतसं व्यायामाकडे किंवा कुस्तीकडे तरुणांचे दुर्लक्ष होऊ लागले आहे. त्यामुळे ग्रामीण भागातील जत्रा यात्रा यामध्ये भरवले जाणारे कुस्त्याचे फड रिकामे पडू लागले आहेत.
तरी पुन्हा एकदा तरुणांनी कुस्ती क्षेत्राकडे वळण्याची गरज आहे .
तसेच गावोगावी बांधण्यात आलेल्या व्यायामशाळा ह्या दुसऱ्याच कामासाठी वापरल्या जातात. व्यायाम शाळेचा फलक इमारतीवर आहे. परंतु आत मध्ये दुसरंच कार्यालय चालू आहे असे ग्रामीण भागात अनेक ठिकाणी अनेक गावांमध्ये हे चित्र बघायला मिळत आहे.
त्यामुळेच तरुणांचा व्यायामाकडे किंवा कुस्तीकडे सहभाग कमी होऊ लागला आहे. तरी याबाबतीत ग्रामस्थांनी पुढाकार घेऊन पुन्हा कुस्तीचे मैदान सुरू करण्यासाठी व तरुणांना प्रोत्साहन देण्याची गरज आहे.
चौकट
तसेच तालुक्यातील अनेक गावांमधून शासकीय निधीतून व्यायामशाळा उभारले आहेत. परंतु या व्यायाम शाळेमध्ये दुसऱ्याच कार्यालयाने आपला संसार थाटला आहे. याची चौकशी होऊन सर्व व्यायाम शाळेतील इतरांनी छाटलेला संसार बंद करून त्या व्यायाम शाळेमध्ये ग्रामपंचायत स्थरावर व्यायामाचे साहित्य देऊन पुन्हा व्यायाम शाळा सुरू कराव्यात.
