खरसुंडी ग्रामपंचायतचा ऐतिहासिक ठराव,
पक्ष पार्टीचे निवडणूक चिन्ह रद्द करावे…निवडणूक आयोगाकडे मागणी
आटपाडी प्रतिनिधी
खरसुंडी ता.आटपाडी ग्रामपंचायतची 31 ऑगस्ट रोजी झालेल्या ग्रामसभेमध्ये हा निर्णय करण्यात आला आहे. यासंदर्भात शफिक तांबोळी यांनी 15 ऑगस्ट रोजी हा अर्ज खरसुंडी ग्रामपंचायतकडे दिला होता. या अर्जामध्ये त्यांनी मागणी केली होती 15 ऑगस्ट 1947 रोजी देशाला स्वातंत्र्य मिळाले. 1949 मध्ये डॉक्टर बाबासाहेब आंबेडकर यांच्या अध्यक्षतेखाली भारताला संविधान मिळाले या संविधानामध्ये पक्ष पार्टी चिन्ह समूहाचे नाव नाही .
आपल्या संविधानामध्ये अनुच्छेद 84 मध्ये क व ख मध्ये असे म्हटले आहे की भारतात राहणारी कोणतीही व्यक्ती जिचे वय 25 वर्षे आहे ,अशी व्यक्ती लोकसभेची निवडणूक लढवू शकते व जिचे वय 30 वर्षे आहे ती व्यक्ती राज्यसभेची निवडणूक लढवू शकते. संविधान पक्ष आणि पार्टीच्या समूहाला निवडणूक लढवण्यासाठी परवानगी देत नाही.
26 जानेवारी 1950 मध्ये आपल्या देशामध्ये प्रजासत्ताक दिन साजरा केला गेला. जनता या देशाची मालक झाली त्यावेळेस पक्ष आणि पार्ट्या चिन्हे बरखास्त व्हायला हव्या होत्या. त्यामुळे 1952 ते आतापर्यंतच्या निवडणुका घटनाबाह्य पद्धतीने झाल्या घटनाबाह्य निवडणुकांमुळे पक्ष आणि पार्टीमध्ये सत्ता स्पर्धा सुरू झाली पक्ष आणि पार्ट्यांमुळे समाजामध्ये गट तट निर्माण झाले आहेत.
पक्ष आणि पार्टीच्या समूहामुळे देशात भ्रष्टाचार वाढतच गेला समूहामुळे गुंडागर्दी लूट दहशत वाढली तरी आता जनतेला एकत्र येऊन ग्रामसभेच्या ठरावाच्या माध्यमातून निवडणूक आयोगाला विनंती करायची आहे. की आपण इलेक्ट्रॉनिक मतदान यंत्रावरील मतपत्रिकेवर उमेदवाराचे फोटो लावणे निश्चित केले आहे. हा लोकतांत्रिक आणि संवैधानिक निर्णय आहे .पण फोटो बरोबर आता कोणतेही चिन्हाची आकृतीची आता आवश्यकता नाही कारण घटनेत पक्ष पार्टी चिन्ह यांचा कुठेही उल्लेख नाही.
असे चिन्ह ठेवणे घटनाबाह्य होईल जर निवडणूक चिन्ह हटवले तर देशात लोकतंत्र येणे अधिक सोपे होईल त्याचबरोबर पक्ष आणि पार्टी तंत्र आपोआप कमजोर होऊन देशातील सबब निवडणूक आयोगाला देण्यासाठी पक्ष पार्ट्या व चिन्हे बरखास्त होणे विषयीचा ठराव मंजूर करण्यात आला आहे
. असा ऐतिहासिक ठराव करणारे राज्यातील नव्हे तर देशातील पहिली ग्रामपंचायत असेल या सर्व गोष्टीसाठी सतत लढा देणारे सामाजिक कार्यकर्ते व सध्याचे खरसुंडी ग्रामपंचायतचे सदस्य रफिक तांबोळी यांनी अनेक दिवसापासून प्रयत्न केले होते.
