जतमध्ये होणार भव्यदिव्य पत्रकार भवन.. २५ लाखांचा निधी मंजूर..
प्रतिनिधी सांगली
भाजपचे जत विधानसभा निवडणूक प्रमुख तमनगौडा रवी पाटील यांनी जत शहरातील विविध कामांसाठी शासनाकडे पाठपुरावा करून सुमारे दोन कोटी रुपयांचा विकास निधी मंजूर केला आहे.तर जत मधील पत्रकार भाऊंसाठी २५ लाखाच्या निधीची तरतूद करण्यात आली आहे.
जत तालुक्यातील भाजपचे विधानसभा निवडणूक प्रमुख व केंद्रीय रस्ते सुरक्षा समितीचे संचालक तमनगवडा रवी पाटील यांनी जत शहरातील विविध विकास कामांना निधी मिळावा यासाठी उपमुख्यमंत्री देवेंद्र फडणवीस व भाजपचे प्रदेशाध्यक्ष चंद्रशेखर बावनकुळे यांच्याकडे पाठपुरावा केला होता. त्यानुसार जत शहराला नगर विकास मंत्रालयाकडून दोन कोटी रुपयांची तरतूद करण्यात आली आहे.
विशेष निधीमधून जत येथील छत्रपती शिवाजी महाराज उद्यान सुशोभिकरण करणेः ४५,००; जत येथील पत्रकारनगर येथे पत्रकार भवन बांधणेः २५,०० लाख निधी मंजूर केला आहे.
विशेष रस्ते अनुदानामधून विद्यानगर अंतर्गत डांबरीकरण व गटार करणे: ३५ लाख, प्रभाग क्र.८ मध्ये ट्रिमिक्स करणे: ४५ लाख, ईदगा मैदान येथे ट्रिमिक्स करणे : २० लाख, राजेबस्कर ते ओढापात्रापर्यंत गटार करणेः ३० लाख. असा एकूण २ कोटी रुपयांचा निधी मंजूर केला आहे. जत तालुक्यात पहिल्यांदाच पत्रकार भवन उभारणीसाठी निधी दिल्याबद्दल अखिल भारतीय मराठी पत्रकार परिषदेच्या वतीने तम्मनगौडा रवीपाटील यांचे अभिनंदन करण्यात आले आहे.
