शेतीकर्ज थकबाकीदार 102 शेतकऱ्यावर कारवाई
2 कोटी 30 लाख 63 हजार थकले
आटपाडी तालुक्यातील विकास सोसायटी कडून पिक कर्ज व मध्यम मुदतीचे कर्ज 102 शेतकऱ्याकडे थकीत आहे. त्याची सरासरी 2 कोटी 30 लाख 63 हजार रुपये रक्कम होत असून वसुलीसाठी विकास सोसायटी मार्फत 101 ची कारवाई करण्यात आली आहे. प्रत्येक थकबाकीदार सभासदांचे हेरींग सहाय्यक निबंधक कार्यालय आटपाडी मध्ये सुरू आहे.
सततचा दुष्काळ पिण्याच्या पाण्यासाठी टॅंकर सुरू असताना दुष्काळात अनेकांच्या द्राक्षबागा, डाळिंब बागा पाण्याविना जळून गेल्या. मागील वर्षी मुबलक पाऊस पडला तोही नुकसान करून गेला.
दुष्काळात लावलेल्या बागा वाया गेल्या ,पिके वाया गेली चाऱ्याअभावी जनावरे कसाबच्या दावणीला गेली अशा परिस्थितीमध्ये शेतकऱ्याने जगायचं कसं असा गंभीर प्रश्न निर्माण झाला होता.शेतकऱ्यांनी शेती सोडून देऊन जगण्यासाठी स्थलांतर केले होते, स्वतः जगू शकत नाही मग कर्ज कसे भरणार असा गंभिर प्रश्न निर्माण झाला होता.
कर्जदार शेतकऱ्यांनी अनेक ठिकाणी आत्महत्या केल्याचे समोर आले आहे भविष्यामध्ये आटपाडी तालुक्यांमध्ये असं घडू नये यासाठी विकास सोसायटीने ेतकर्यांशी संपर्क साधून तोडगा काढण्याची गरज आहे.
कर्ज वसुलीचा तगादयानेएखाद्या शेतकऱ्याने जर बरं वाईट करून घेतलं तर त्याला विकास सोसायटी साठी जबाबदार असणार आहे.
आटपाडी तालुक्याची दुष्काळी तालुका म्हणून ओळख आहे सध्या काही भागांमध्ये टेंभूचे पाणी आले आहे म्हणजे सर्व तालुक्यांमध्ये टेंभूचे पाणी आले नाही. त्यामुळे अनेक ठिकाणी अजूनही पाण्याची भीषण टंचाई आहे त्यामुळे या सर्व बाबीचा विचार करून विकास सोसायटीने थकबाकीदार कर्जदारांच्या वरती कारवाई थांबऊन संगनमताने प्रश्न मार्गी लावावा अशी मागणी शेतकऱ्यातुन होत आहे.
कोट- आटपाडी तालुक्यांमध्ये 102 शेतकऱ्यांच्या वर 101 कारवाई करण्यात आली आहे 102 शेतकऱ्यांच्या कडे 2 कोटी 30 लाख 63 हजार रुपये येणे बाकी आहे. सध्या थबकीदारांचे हेरिंग सुरू आहे,…….
बि.डी. मोहिते सहस्ययक निंबघक आटपाडी
