शिरपूर तालुक्यात लाडकी बहीण सोडून बाकी योजनांचे अनुदान रखडले; -प्रफुल्ल पाटील
त-हाडी- प्रतिनिधी
शिरपूर तालुक्यात व त-हाडी परिसरात मुख्यमंत्री माझी लाडकी बहीण योजनेअंतर्गत महिलांना दर महिन्याला पंधराशे रुपये खात्यावर जमा होऊ लागले असले तरी गेल्या अनेक महिन्यापासून शेतकऱ्यांना प्रोत्साहनपर मिळणारे अनुदान, पी एम किसान योजना, पीक पेरा योजना, घरकुल योजना, गाय गोठे आदी पीकविमा याचे पैसे खात्यावर जमा न झाल्याने लाभार्थी व शेतकरी वर्गातून संताप व्यक्त केला जात असल्याची माहिती त-हाडी ग्रामपंचायत सदस्य प्रफुल्ल पाटील सांगितले आहे.शिरपुर तालुक्यात मुख्यमंत्री लाडकी बहीण योजनेअंतर्गत बहुतांश महिलांच्या खात्यावर पैसे जमा होऊ लागल्याने आनंद व्यक्त केला जात आहे.
महिलांना अनुदान मिळावे,
ही चांगली गोष्ट आहे. त्यातव महाराष्ट्र राज्य परिवहन महामंडळाने महिलांसाठी ५० टक्के सवलतीने तिकीट देण्याची योजना सुरू केली आहे. याची नोकरदार महिलांमधून स्वागत होत आहे. मात्र, दुसरीकडे संजय गांधी निराधार योजनेअंतर्गत निराधार विधवा, परितक्त्या महिलांना दर महिन्यास मिळणारे अनुदान मात्र मागील दोन महिन्यांपासून मिळालेले नाही. महिला लाडकी बहीण योजनेअंतर्गत अनुदान घेत असताल तर संजय गांधी निराधार योजनेचे पैसे मिळणार नाही, अशी चर्चा असल्याने निराधार,विधवा, परितक्त्या महिलावर्गातून चिंता
व्यक्त केली जात आहे.
नियमित कर्ज फेडणाऱ्या शेतकऱ्यांना प्रोत्साहनपर ५० हजार रुपये अनुदान मिळत होते. त्यातील पात्र काही शेतकऱ्यांना अनुदान मिळाले आहे. परंतु बहुतांश शेतकरी सध्या अनुदानापासून वंचित आहेत. आचारसंहिता लागण्यापूर्वी शिरपूर तालुक्यातील घरकुल योजने व गाय गोठे पूर्ण झालेले आहेत ते मिळावे अशी मागणी त-हाडी येथील ग्रामपंचायत सदस्य प्रफुल्ल पाटील ता शिरपूर यांनी केली आहे आहे.
