मालेवाडी येथे कै.बाळासो तातोबा माने यांच्या स्मृतिदिनानिमित्ताने विद्यार्थ्यांना शैक्षणिक साहित्य वाटप व वृक्षारोपण
सांगली जिल्ह्यातील मालेवाडी येथे कै.बाळासो तातोबा माने यांच्या प्रथम स्मृतिदिनानिमित्त माने कुटुंबियांच्या वतीने जिल्हा परिषद शाळा मालेवाडी व मिनाक्षीताई महाडीक माध्यमिक हायस्कूल मालेवाडी मध्ये विद्यार्थ्यांना शैक्षणिक साहित्य वाटप करण्यात आले.
तसेच शालेय परिसरात वृक्षारोपण करण्यात आले.यावेळी विलासराव कोळेकर,किरण माने, सुरेश घोरपडे, महादेव कोळेकर, विश्वजीत माने, रविंद्र माने आदी उपस्थित होते.सर्वांचे शाळेचे मुख्याध्यापक दिपक पाटील सर यांनी स्वागत केले.यावेळी रेश्मा पवार,प्रतिक्षा क्षीरसागर, केतकी माने,निशा पाटील, प्रतिक्षा क्षीरसागर मॅडम उपस्थित होत्या.
जिल्हा परिषद शाळा मालेवाडीतील इयत्ता ४थी व ७ वी तील महाराष्ट्र राज्य शिष्यवृत्ती परीक्षेत कु. श्रेयल संभाजी साठे हिने १९८ गुण तसेच कु. सई इंद्रजीत माने १४८ गुण व कु. कार्तिक सचिन राठोड हिने १३२ गुण प्राप्त केल्याबद्दल उपस्थित सर्वांनी त्यांचे अभिनंदन केले.तसेच इयत्ता सातवी तील कु. श्रद्धा दिनकर क्षीरसागर हिने १७८ गुण व कु. वेदिका प्रदीप कोळेकर हिने १४८ गुण प्राप्त केल्याबद्दल त्यांचेही अभिनंदन करण्यात आले. यावेळी विलासराव कोळेकर यांनी विद्यार्थ्यांना मार्गदर्शन केले. मिनाक्षीताई महाडिक माध्यमिक विद्यालय मालेवाडी येथेही विद्यार्थ्यांना शैक्षणिक साहित्य वाटप करण्यात आले.तेथे मुख्याध्यापक श्री सुभाष माने यांनी सर्व उपस्थितांचे स्वागत व प्रास्ताविक केले.यावेळी रेश्मा सुतार, ज्योती शिंदे,छबुताई जाधव मॅडम उपस्थित होत्या.
