महसूल दिनानिमित्त वरिष्ठ अधिकाऱ्यांचा गौरव; महसूल वकील मित्र परिवाराचा अभिनव उपक्रम
पुणे प्रतिनिधी –
महसूल दिनाच्या निमित्ताने महसूल वकील मित्र परिवार यांच्या वतीने पुण्यातील वरिष्ठ महसूल अधिकाऱ्यांना सदिच्छा भेट देत महसूल दिन उत्साहपूर्ण वातावरणात साजरा करण्यात आला. महसूल प्रशासन आणि विधी क्षेत्रातील परस्पर समन्वय, विश्वास व सुसंवाद अधिक दृढ करण्याच्या उद्देशाने आयोजित करण्यात आलेल्या या उपक्रमाचे सर्व स्तरांतून कौतुक करण्यात आले.
या उपक्रमांतर्गत अतिरिक्त विभागीय आयुक्त, पुणे, अपर जिल्हाधिकारी, पुणे, निवासी जिल्हाधिकारी, पुणे तसेच हवेली व मावळ–मुळशी येथील उपविभागीय अधिकारी यांच्या कार्यालयांना सदिच्छा भेट देऊन महसूल दिनाच्या शुभेच्छा देण्यात आल्या.महसूल प्रशासनातील अधिकारी व कर्मचाऱ्यांनी वकील बांधवांना वेळोवेळी दिलेल्या तत्पर, कार्यक्षम आणि सहकार्यपूर्ण सेवेबद्दल कृतज्ञता व्यक्त करण्यासाठी हा उपक्रम आयोजित करण्यात आला होता.
प्रशासन आणि विधी क्षेत्र यांच्यातील समन्वय अधिक बळकट होऊन नागरिकांना अधिक प्रभावी, पारदर्शक आणि गतिमान सेवा मिळावी, हा या उपक्रमामागील प्रमुख उद्देश असल्याचे आयोजकांनी सांगितले.
या कार्यक्रमात ॲड. गणेश लोकरे, ॲड. दीपक सुद्रिक, ॲड. योहान पाखरे, ॲड. प्रशांत वाटविसावे, ॲड. गणेश सुद्रिक, ॲड. समीर चौधरी, ॲड. प्रमोद नरोडे, ॲड. भारती लोहोकरे, ॲड. सिद्धार्थ धांडे, ॲड. स्वप्नील मटाले, ॲड. अक्षय निचित, ॲड. गणेश कातोरे, ॲड. नसरीन शेख, ॲड. प्रतिभा भोसले, ॲड. गिरीश भोसले, ॲड. आदित्य साखरे, ॲड. सुहास शिंगाडे, ॲड. तेजस गायकवाड, ॲड. सचिन काळे, ॲड. सनी विनोदे, ॲड. नितीन जाधव, ॲड. आशुतोष नलावडे, ॲड. अमित भोसले, ॲड. आचल गावंडे, ॲड. अर्पिता गायकवाड, ॲड. मोहित भवर, ॲड. अपेक्षा गायकवाड, ॲड. चैतन्य राऊत तसेच श्री. शिलरत्न पासोडे यांनी सक्रिय सहभाग नोंदवत कार्यक्रम यशस्वी करण्यासाठी मोलाचे योगदान दिले.
या संपूर्ण उपक्रमाचे नियोजन Revenue Update WhatsApp Group यांच्या पुढाकारातून करण्यात आले. महसूल दिनानिमित्त प्रशासनाप्रती कृतज्ञता व्यक्त करत अधिकारी आणि वकील यांच्यातील सहकार्याची नवी दिशा अधोरेखित करणारा हा उपक्रम विशेष कौतुकाचा विषय ठरला.
