वरकुटे – मलवडी येथील चव्हाण कुंटुंबाला ५५ हजाराची मदत
छप्पराला आग लागून सहा शेळ्या दगावल्या होत्या
वरकुटे – मलवडी / वार्ताहर
माण तालुक्यातील वरकुटे –
मलवडी येथील आबा अशोक चव्हाण यांच्या घरासमोरील शेळ्यांंच्या छप्पराला तीन दिवसापूर्वी अचानक आग लागली होती. या आगीत पाच गाभण शेळ्या व एक बोकडासह संसारोपयोगी साहित्य जळून खाक झाले होते. चव्हाण हे अत्यंत गरिब असुन संघर्षाचे जीवन जगत आहे. त्यांच्या वर आलेल्या संकटातून सावरण्यासाठी स्थानिक व्हाँटस् अप ग्रुपच्या माध्यमातून ५५ हजार रुपयांची मदत देण्यात आली .
बुधवार दि.१५ रोजी सकाळी आठ वाजलेच्या सुमारास चव्हाण यांच्या छप्पराला आग लागून सहा शेळ्या दगावल्या आहेत. त्याचबरोबर बेड , बाजरी , तांदूळ , धान्य , कपड्यासह संसार उपयुक्त साहित्य जळून राख झाले आहे. पत्नी सौ. सनम व दीड वर्षाची अनुश्री जखमी झाल्या आहेत. त्यांचे घर गावापासून चार ते पाच किमी अंतरावर असल्याने वेळेत मदत मिळाली नाही. आबा चव्हाण हे मजूरी साठी महाबळेश्वरवाडी येथे गेले होते. घर एकटेच होते आजुबाजुला मदतीसाठी कोणी नसल्याने पत्नीच्या नजरेसमोरच शेळ्यांचे छप्पर जळून खाक झाले.
आबा चव्हाण हे अतिशय गरिब कुंटुंबातील आहेत. प्रामाणिक व संघर्षमय जीवन जगणारे आहेत. त्यांच्यावर आलेल्या संकटातून सावरण्यासाठी मदत मिळवून देण्यासाठी सामाजिक कार्यकर्ते धीरज जगताप यांनी स्थानिक व्हाँटस् अपच्या माध्यमातून मदतीचे आवाहन करण्यात आले होते. त्याला प्रतिसाद अनेक दानशूर व्यक्तींनी मदत केली आहे. यापुढे ही चव्हाण कुुंटुंंबाच्या पाठीमागे आम्ही गंभीरपणे उभे आहोत. कधीही कसलीही काळजी करू नका असा भावनिक आधार दिला.
एक सामाजिक बांधिलकी जपण्यासाठी अभय जगताप , संजय जगताप ,धीरज जगताप , अनिकेत आटपाडकर , विशाल पिसे , बापूसाहेब मिसाळ , बाळासाहेब पिसे , बाळासाहेब आटपाडकर यांनी व्हाँटस् अप ग्रुपच्या माध्यमातून प्रयत्न केले . भविष्यात पण चव्हाण कुंटुंबाला लागेल ती मदत करू असेही स्पष्ट केले.
यावेळी सरपंच बाळकृष्ण जगताप , राष्ट्रवादी युवक काँग्रेसचे सरचिटणीस अभय जगताप , काँग्रेसचे माजी तालुकाध्यक्ष संजय जगताप , माजी सरपंच रामचंद्र नरळे , माजी सरपंच विजय जगताप , उपसरपंच कमीर इनामदार , सामाजिक कार्यकर्ते धीरज जगताप , उपसरपंच मारुती मदने , बाळासाहेब आटपाडकर , माजी चेअरमन हणमंत आटपाडकर , जालिंदर वाघमोडे , साहेबराव खरात , विशाल पिसे , राहूल सोनवणे आदी मान्यवर उपस्थित होते.
फोटो
वरकुटे – मलवडी :- आबा चव्हाण यांना मदत देताना सरपंच बाळकृष्ण जगताप , अभय जगताप , संजय जगताप , धीरज जगताप , विजय जगताप , जालिंदर वाघमोडे आदी मान्यवर (छाया :- बापूसाहेब मिसाळ , वरकुटे – मलवडी )
