शेळ्या मेंढ्या चे बाजार सुरू करा अन्यथा पावसाळी अधिवेशनात मेंढरे सोडु….!!
मेंढपाळ आर्मी आक्रमक: व्यापारांची लूट थांबणार का?
प्रतिनिधी दि २४
गेल्या कित्येक दिवसांपासून मेंढपाळ आर्मी शेळ्या मेंढ्या चे बाजार सुरू करा. अशी मागणी करत आहे तरीदेखील सरकार जाणुन बुजून दुर्लक्ष करत आहे अनलाॅकची घोषणा करून देखील मेंढपाळांची कोकरं व्यापारी लोक कमी भावानं खरेदी करत आहेत.
सरकारला मेंढपाळांची पिळवणूक दिसणार की नाही असा सवाल श्री गारळे यांनी यावेळी उपस्थित केला. सरकार मेंढपाळांच्या बाबतीत आंधळं झालं असुन त्यांना मेंढपाळांची पिळवणूक दिसत नाही. असे मत मेंढपाळ आर्मी चे महासचिव श्री नवनाथ गारळे यांनी व्यक्त केले.
महाराष्ट्रातला मेंढपाळ शांत आहे याचा चुकिचा अर्थ काढु नये. सध्या मेंढपाळ वेगवेगळ्या समस्येला तोंड देत आहे, बाजार बंद असल्याने मेंढपाळांची आवक जावक पुर्णतः बंद झाली आहे. मेंढपाळांची कोकरं पावसाळ्यात चढ्या भावाने विक्री होतात. परंतू बाजार बंद असल्याने त्यांना कवडीमोल भावाने विकावे लागत आहेत. येत्या काळात बाजार सुरू नाही झाले तर मेंढपाळ आर्मी चे राष्ट्रीय सांसद प्रमुख अर्जुन थोरात साहेब यांच्या नेतृत्वात पावसाळी अधिवेशनात मेंढरं सोडू असा इशाराही मेंढपाळ आर्मी चे महासचिव श्री गारळे यांनी बोलताना दिला…
