संसदरत्न खा. सुप्रियाताई सुळे यांचं आज मराठा ओबीसी आरक्षणावर लोकसभेत बोलताना……
जगदीश का. काशिकर,
कायदा (लॉ) / नाेकरी (जाॅब) सल्लागार (कन्सलन्टंट) व मुक्त पत्रकार*, महाराष्ट, व्हाटसअप – ९७६८४२५७५७
लोकसभेत घटना दुरूस्ती विधेयकावरील चर्चे दरम्यान राष्ट्रवादी काँग्रेसच्या खासदार खा.सुप्रियाताई सुळे यांनी भाजपवर जोरदार टीका केली आहे. राज्यातील विविध जाती समुहांच्या आरक्षणाच्या मुद्द्यावर तत्कालीन देवेंद्र फडणवीस सरकारने मोठा गोंधळ निर्माण केला आहे, अशी टीका ताईनी केली. तसेच राज्यातील मराठा आऱक्षण बारगळण्यास तत्कालीन मुख्यमंत्री देंवेद्र फडणवीस हेच जबाबदार असल्याचा आरोप देखील खा.सुप्रियाताई सुळे यांनी केला आहे. केंद्र सरकारने इम्पेरिकल डाटा लवकरात लवकर द्यावा, तसेच मराठा आरक्षण कोर्टापुढे टिकेल यासाठी महाविकास आघाडी सरकारसोबत उभे राहावे, असे आवाहनही ताईंनी केले.
देवेंद्र फडणवीस यांनी ओबीसी, धनगर आरक्षणावरुनही मोठा गोंधळ निर्माण करुन ठेवला आहे. धनगर समाजाला भाजप सरकारच्या पहिल्या मंत्रिमंडळ बैठकीत मान्यता देऊ असा दावा त्यांनी केला होता. त्यानंतर फडणवीस यांच्या अनेक बैठका झाल्या पण धनगर समाजाला आरक्षण मिळाले नाही, असा टोलाही ताईंनी यावेळी लगावला.
