योगेश केदार यांचे खासदार श्रीकांत शिंदे यांच्या वाढदिवसानिमित्त मनोगत !!
योगेश केदार यांचे खासदार श्रीकांत शिंदे यांच्या वाढदिवसानिमित्त मनोगत !!
जगदीश का. काशिकर,
मुक्त पत्रकार व गुंतवणुक/रोजगार – नोकरी/कामगार समस्या/कायदे सल्लागार, मुंबई, महाराष्ट्र. व्हाटसअप – ९७६८४२५७५७
मुंबई: मुख्यमंत्री शिंदे साहेबांचे चिरंजीव खासदार श्रीकांत शिंदे साहेब यांचा वाढदिवस साजरा केला. त्यानिमित्ताने छोटेखानी भाषणही केले.
महाराष्ट्रातील ओबीसी समाज बांधवांनी काठी अन् घोंगडी देऊन त्यांचा सन्मान केला. या राज्यातील मराठा आणि ओबीसी बांधवांची सामाजिक वीण किती विलक्षण आहे हेही आज दिसून आले.
मी अनेक वर्षांपासून श्रीकांत दादांचा वाढदिवस साजरा करत असतो. 2014 ला ते पहिल्यांदा निवडून दिल्लीत आले तेंव्हापासून आमची ओळख आहे. काही वर्षांपासून मराठ्यांच्या हक्कासाठी आंदोलनाची भूमिका त्यांच्या वडिलांच्या म्हणजे मुख्यमंत्री महोदयांच्या विरोधात घेत आलो तरी आमचा संवाद बंद झाला नाही. मी समाजासाठी विरोध करतो त्यामुळे ती भूमिका समजून घेऊन मानाचा मोठेपणा ठेवत तेही प्रेमाने वागतात. तेवढी राजकीय प्रगल्भताया पिता पुत्रांनी ठेवली आहे.
मुख्यमंत्र्यांचे ओसडी मंगेश चिवटें यांनी त्यांच्या वाढदिवसानिमित्त आरोग्य शिबिर आयोजित केले होते. शेकडो बालकांचे अनेक दुर्धर आजारांवर शस्त्रक्रिया केल्या जाणार आहेत. त्यात त्यांनी मला उपस्थित राहण्याची विनंती केली होती. हे पवित्र कार्य समजून मीही उपस्थित झालो.
राज्याच्या राजकारणात मोठे भविष्य श्रीकांत शिंदे दादांना लाभावे हीच ईश्वर चरणी प्रार्थना. त्यांच्याही हातून देशाची अमूल्य सेवा घडावी हीच पुन्हा एकदा प्रार्थना.
यावेळी ठाण्याचे पालक मंत्री शंभूराजे देसाई, माजी केंद्रीय मंत्री मिलिंद देवरा, झाडी डोंगर फेम आमदार शहाजी बापू पाटील, मंगेश चिवटें, बाळासाहेब किसवे, चंद्रकांत भोसले, प्रीतम माने, व आजी माजी नगरसेवक उपस्थित होते.
