विद्यार्थ्यांना शालोपयोगी वस्तूंचे वाटप करून सुवर्णमहोत्सवी वाढदिवस केला साजरा..!
(कसारा-प्रतिनिधी महेश्वर तेटांबे)
ज्ञानदा युवा प्रतिष्ठान चे संस्थापक अध्यक्ष सन्माननीय श्री.विनोद कविटकर यांचा २३ जून,२०२४ रोजी ५०वा वाढदिवस (सुवर्ण महोत्सवी वाढदिवस) झाला. त्यानिमित्ताने ज्ञानदा युवा प्रतिष्ठान”तर्फे ज्ञानदा युवा प्रतिष्ठानच्या संस्थापक/पदाधिकारी आणि कार्यकर्त्यांनी शनिवार दिनांक २२ जून २०२४ रोजी शहापुर (कसारा) येथे जिल्हापरिषदशाळा शिदवाडी आणि जिल्हा परिषदशाळा आंब्याची वाडी येथे जाऊन या दोन्ही शाळेतील मुलांना वह्या आणि शालोपयोगी वस्तूंचे वाटप केले.श्री.विनोद कविटकर यांनी आपला सुवर्ण महोत्सवी वाढदिवस या शाळेंतील मुलांसमवेत केक कापून साजरा केला.त्यावेळी सर्व मुलांच्याही चेह-यावर खुप आनंद दिसून येत होता.
