पिंपरी चिंचवड लाचखोरी प्रकरणातील दोषींवर कारवाई करणार – भाजप प्रदेशाध्यक्ष आ. चंद्रकांत पाटील.
स्थायी समिती सदस्यांनी तपासात सहकार्य करावे – आ. चंद्रकांतदादा पाटील यांचे निर्देश
जगदीश का. काशिकर,
कायदा (लॉ) / नाेकरी (जाॅब) सल्लागार (कन्सलन्टंट) व मुक्त पत्रकार*, महाराष्ट, व्हाटसअप – ९७६८४२५७५७
पुणे: भाजपा प्रदेश अध्यक्ष आमदार चंद्रकांतदादा पाटील यांच्या सुचनेनुसार पिंपरी-चिंचवडच्या प्रभारी आ. माधुरीताई मिसाळ यांनी आज पिंपरी-चिचवडला भेट दिली व तेथे घडलेल्या प्रकाराबद्दल सर्व संबंधीतांशी चर्चा करुन सविस्तर माहिती घेतली. या प्रकरणाबाबत सविस्तर अहवाल त्या मला सादर करतील आणि त्यानंतर या प्रकरणात कोणी दोषी आढळल्यास त्यांच्यावर कारवाई करण्यात येईल असे आ चंद्रकांतदादा पाटील यांनी स्पष्ट केले. तसेच स्थायी समितीच्या सर्व सदस्यांनी पोलिस तपासात संपुर्ण सहकार्य करावे अशी सुचनाही चंद्रकांतदादा पाटील यांनी केली आहे. या सर्व प्रकरणातील सत्य लवकरच बाहेर येईल व या षडयंत्रा मागील चेहरा समाजापुढे उघड होईल असेही चंद्रकांतदादा पाटील यांनी स्पष्ट केले आहे..
