श्री संदीप खर्डेकर यांचे मनाेगत – महामहीम राज्यपाल भगतसिंग कोश्यारी
जगदीश का. काशिकर,
कायदा (लॉ) / गुंतवणुक (ईन्वेस्टमेंन्ट) सल्लागार (कन्सलन्टंट) व मुक्त पत्रकार*, महाराष्ट्र. व्हाटसअप – ९७६८४२५७५७
पुणे: कोई गाली भी देता हैं तो मै उसे प्रशंसा समझ कर स्वीकार करता हुं. महामहीम राज्यपाल भगतसिंग कोश्यारी त्यांच्या सहज शैलीत बोलत होते आणि सहजपणे सभागृहातील प्रत्येकाचे मन जिंकून घेत होते. माझे स्नेही आणि भाजप पुणे शहराचे संघटन सरचिटणीस राजेशजी पांडे यांच्यामुळे राज्यपालांची स्नेहभेट झाली आणि 80 वर्षांच्या ह्या तरुणाचा नकळत फॅन झालो.त्यांच्या विद्वत्तेचे कौतुक करावे की ह्या वयातील सळसळत्या उत्साहाचे, स्मरणशक्तीला नमन करावे की विनम्रतेला, कोणाला ही न दुखावता प्रत्येकासोबत फोटो काढणे असो किंवा आपुलकीने बोलणे असो, त्यांच्या समर्पित जीवनाला अभिवादन करावे की राज्यपाल हा केवळ रबर स्टॅम्प नाही हे सिद्ध करणाऱ्या कर्तृत्वाचे गुणगान करावे असे प्रश्न मनात काहूर माजवत होते. राष्ट्रीय स्वयंसेवक संघाचा मी स्वयंसेवक आहे हे जाहीरपणे सांगणाऱ्या राज्यपालांनी त्यांच्या भाषणात रामकृष्ण मिशन ला मी ही जात असे आणि तेथे नरेंद्रभाई मोदी ही येत असत, ते माझ्यापेक्षा वयाने लहान होते हे सांगण्याची लकब आणि पुढे आयुष्यात छोट्या छोट्या गोष्टी किती महत्वाच्या असतात हे सांगताना घोड्याच्या नाळ ला असलेला खिळा किती महत्वाचा ह्या चौदाव्या शतकातील म्हणीचा दिलेला संदर्भ…. सगळेच विचार करायला लावणारे…. एका सुसंस्कृत आणि विद्वान महानुभावाला भेटल्याचे समाधान दीर्घकाळ मनात रेंगाळत राहील एवढं मात्र नक्कीच….
संदीप खर्डेकर
