पत्रकार सदाशीव पुकळे यांची अखिल भारतीय मराठी चित्रपट निर्माता महामंडळाच्या प्रसिद्धी प्रमुख पदी निवड
पत्रकार सदाशीव पुकळे यांची अखिल भारतीय मराठी चित्रपट निर्माता महामंडळाच्या प्रसिद्धी प्रमुख पदी सर्वानुमते निवड करण्यात आली.
आटपाडी तालुक्यातील विभूतवाडी गावचे सुपुत्र व पत्रकार सदाशिव पुकळे यांची अखिल भारतीय मराठी चित्रपट निर्माता महामंडळाच्या पुणे, कोल्हापूर विभागाच्या प्रसिद्धी प्रमुख पदी नुकतीच निवड करण्यात आली.
अखिल भारतीय मराठी चित्रपट निर्माता महामंडळाचे अध्यक्ष मा. देवेंद्र मोरे, उपाध्यक्ष मा.बाळासाहेब गोरे आणि प्रसिद्धी प्रमुख मा.महेश्वर तेंटाबे यांनी मुंबई मधून घोषणा केली. व त्यांना निवडीचे ओळखपत्र ऑनलाइन पाठवून दिले आहे.
पत्रकार पुकळे यांच्या निवडी बाबत महामंडळातील सिने कलाकारांनी अभिनंदनाचा वर्षाव केला व पुढील वाटचालीसाठी शुभेच्छा दिल्या.
सदाशिव पुकळे हे ग्रामीण भागामध्ये राहत असून त्यांच्या पत्रकारितेतील उत्कृष्ट कामगिरी पाहून त्यांच्यावर कोल्हापूर व पुणे विभागाची अखिल भारतीय मराठी चित्रपट निर्माता मंडळाच्या प्रसिद्धी प्रमुखाची जबाबदारी सोपवण्यात आली आहे.
