आज कबड्डी दिन : गुणवंत खेळाडू ; कार्यकर्ते, पत्रकारांचा होणार सन्मान
‘कबड्डी दिन’ राज्यभरात उत्साहात साजरा होणार आहे. महाराष्ट्र राज्य कबड्डी संघटनेच्या विद्यमाने शुक्रवार, 15 जुलै रोजी सायंकाळी 5 वाजता. श्री. शिवछत्रपती क्रीडा संकुल, बालेवाडी, पुणे येथे कबड्डी दिन पुरस्कार वितरण सोहळ्यात नामवंत खेळाडू क्रीडा पत्रकार आणि कबड्डी संघटकांचा सन्मान केला जाणार आहे.
पुरस्कार वितरण संघटनेचे अध्यक्ष अजितदादा पवार यांच्या हस्ते पार पडणार आहे. याप्रसंगी उपाध्यक्ष भाई जगताप, उपाध्यक्ष सुनील तटकरे, महाराष्ट्राच्या क्रीडा व युवक सेवा संचालनालयाचे आयुक्त ओमप्रकाश बकोरिया, राष्ट्रवादीचे ज्येष्ठ नेते अंकुश काकडे उपस्थित राहतील.
