कोरोनामुळे लोक कलावंतांवर उपासमारी व बेरोजगारीची कुऱ्हाड!
आर्थिक मदत मिळावी या मागणी संदर्भात लोक कलावंतांकडून शासनाला साकडे!
त-हाडी- खंडेराया झाली माझी दैना देणारे तुझ्याविना जीव माझा राहीना हे गाणे सध्या सोशल मीडियावर मोठा धुमाकूळ घालत आहे परंतु या गाण्या प्रमाणेच वयाच्या पंधराव्या वर्षापासून खंडेरायाच्या नावावर लोककलेच्या माध्यमातून दान मागणाऱ्या कलावंताची कोरोना मुळे व परिस्थितीमुळे मोठी होरफळ होत असून या आजारामुळे बेरोजगारीची उपासमारीची संकट येऊन ठेपले असल्याची खंत देखील या लोककलावंताने व्यक्त केली आहे.
खंडेराया हेच आमचे दैवत असे समजून खंडेरायाच्या नावाने दान मागणाऱ्या कलावंतांनाच आता हे गीत म्हणण्याची वेळ आली आहे.
महाराष्ट्र ही लोककलावंतांची भूमी आहे यामुळे या भूमीत लोककला जपणाऱ्या गोंधळी वासुदेव यासह अनेक लोककलावंत आपली कला लोकांसमोर सादर करून दैनंदिन पोटाची खळगी भरण्यासाठी लोकाकडुन दान मिळवत असतात परंतु सध्या परिस्थिती एवढी गंभीर बनली आहे की या कलावंतांनी सादर केलेल्या केल्यानंतर दान करणाऱ्या व्यक्तींना कोरोनाच्या परिस्थितीचा मोठा फटका सहन करून दान करायला आखडता हात घ्यावा लागत आहे परिणामी या लोककलावंतांची या कोरोनाने मोठी होरपळ होत आहे.
संपूर्ण आयुष्य व कुटुंब चालवण्याची जिम्मेदारी या कलावंतावर असल्याने त्यांच्या कुटुंबावर देखील उपासमारीची वेळ कोरोनामुळे आले आहे परिस्थिती जर अशीच राहिली तर ही महाराष्ट्राची लोककला जपणाऱ्या कलावंतांना ही कला बंद करण्याची वेळ कलावंतावर येऊ शकते.
शासनाकडून कलावंतांची उपेक्षा.
दारोदारी फिरून महाराष्ट्राची लोककला जपणाऱ्या कलावंताची दुष्काळाने होरपळून तर चालले आहे परंतु यांच्या कुटुंबियांना सावरण्यासाठी शासनाकडून कसल्याही प्रकारची मदत मिळत नसल्याने हे कुटुंब समाजाच्या घटकापासून वंचित राहत असल्याची खंत या कलावंतांकडून व्यक्त केली जात आहे.
प्रतिक्रिया
” माझ्या संपूर्ण कुटुंबाच्या उदरनिर्वाहाची जिम्मेदारी माझ्या एकट्यावर असल्याने मी ही लोककला लोकांसमोर सादर करून पोटाला अन्न मिळवत आहे परंतु सध्या महाराष्ट्र सह.उत्तर महाराष्ट्रमध्ये कोरोना परिस्थिती निर्माण झाली असल्याने मला मिळणाऱ्या दानात मोठी घट झाली आहे यामुळे माझ्या कुटुंबावर उपासमारीची वेळ आली आहे”
महेश दत्तात्रेय वाकुळे
बारामती .ता बारामती जि पुणे
त-हाडी , महाराष्ट्राची लोककला असलेल्या , भक्तीगित व गोंधळी गीत सादर करताना कलावंत महेश वाकुळे
