आटपाडी पोलिसांची दमदार कारवाई…….सराईत चोरट्याकडून पंधरा मोटारसायकल हस्तगत
दोघांना अटक : चार लाखाहून अधिक मुद्देमाल ताब्यात :
आटपाडी प्रतिनिधी
आटपाडी ता. आटपाडी येथील पोलिसांनी दोन सराईत मोटारसायकल चोरट्याना अटक
तालुक्यातील दिघंची येथे पाच एप्रिल रोजी बारा वाजण्याच्या सुमारास जिल्हा मध्यवर्ती बँकेच्या समोर लावलेली दुचाकी क्रमांक एम एच 10 बी.पी 6344 चोरीस गेली होती.याबाबत राजेंद्र श्रीरंग मोरे यांनी पोलीस ठाण्यात गुन्हा दाखल केला होता. दरम्यान या घटनेचे सीसीटीव्ही फुटेज च्या अनुषंगाने पोलीस तपास सुरू होता.
पोलीस अधीक्षक डॉ बसवराज तेली, उपविभागीय पोलीस अधिकारी पद्मा कदम यांच्या मार्गदर्शनाखाली पोलीस निरीक्षक शरद मेमाणे , पोलीस उपनिरीक्षक अजित पाटील, पो.हे कॉ कोरवी, जाधव, कराळे, पाटील, देशमुखे, सोनवणे, ढाले ,पो .नाईक नितीन मोरे, यांच्या पथकाने ही कारवाई केली.
रविवारी रात्री आठ वाजण्याच्या सुमारास दिघंची येथे पेट्रोलिंग करत असताना एस टी स्टँड परिसरामध्ये दोन संशयित मोटारसायकलवर अजित शंकर खरात वय 20 रा.लेंगरे वाडी-सोमेवाडी , रोहित बाळू शिंदे वय 26 रा.करगणी यांना ताब्यात घेत त्याच्याकडे अधिक चौकशी करून मोटारसायकल बाबत विचारणा केली असता मोटारसायकल शनिवारी फलटण येथून चोरून आणले असल्याचे सांगितले.
यावेळी अधिक तपास केला असता दोघांनी मिळून तब्बल 15 मोटारसायकल चोरल्याचे कबूल केले असून यामध्ये आटपाडी तुन 2 , विटा 2, म्हसवड 3, पंढरपूर शहर 6, कराड 1, व फलटण शहर 1 मोटारसायकल चोरी केल्याचे कबूल केले आहे.
सोमवारी दोघांना न्यायालयात हजर केले असता दोन दिवसांची पोलिस कस्टडी रिमांड मजूर झाला आहे.
एकाच नंबर प्लेटच्या तीन गाड्या :
दरम्यान चोरट्याने चोरी करून त्या गाड्या अतिशय कमी किमती मध्ये विकल्या होत्या . सोमवारी पोलीस ठाण्याच्या समोर लावलेल्या दुचाकी मध्ये एकाच नंबर च्या दिन गाड्या टायमध्ये दिसून आल्या. त्यामध्ये एका गाडीवर चक्क पोलीस असे लिहिलेले होते.
फोटो – उपविभागीय पोलीस अधिकारी पद्मा कदम पोलीस निरीक्षक शरद मेमाणे व पोलीस स्टाप मोटर सायकल सह चोरटे
