महाराष्ट्र राज्य वीज वितरण कंपनीचा भोंगळ कारभार शॉर्टसर्किट मुळे डोंगरगाव येथे मक्यास आग दोन शेतकऱ्यांचे अतोनात नुकसान भरपाईची

मागणी. डोंगरगाव -(प्रतिनिधी )

आर आर पाटील- शिंदखेडा तालुक्यातील डोंगरगाव येथे एकाच आठवड्यात दोन शेतकऱ्यांचे विजेच्या तारांच्या शॉर्टसर्किटमुळे मका पीक जळून लाखोंचे नुकसान झाले कैलास तुकाराम पाटील यांचे सुमारे तीन ते चार एकर शेतातील मका विद्युत तारा एकमेकांना हवेमुळे चिटकून शॉर्ट सर्किट झाल्यामुळे सुमारे तीन ते चार लाखाचे नुकसान झाले तलाठी बडगुजर यांनी घटनास्थळाचा पंचनामा केलेला आहे त्यानंतर आज 18 एप्रिल रोजी दुपारी 2 वाजता सुनील पांडुरंग पाटील यांच्या दोन एकर शेतावर परीपक्व मका पीक होते तेथे सुद्धा आज तारांच्या शॉर्ट सर्किट मुळे आग लागून लाखोंचे नुकसान झाले आग लागल्यानंतर ग्रामस्थांनी विजवण्याचा प्रयत्न केला परंतु यश मिळाले नाही त्यामुळे सुनील पाटील यांचे काका हिम्मतराव त्र्यंबक पाटील यांनी वीज वितरण अधिकारी यांना फोन केलेत त्यानंतर घटनास्थळी वायरमन आलेत त्यानंतर वीज वितरण अधिकाऱ्यांनी अग्निशमन कक्ष धुळे येथे फोन केलेत व अग्निशामक बंब घटनास्थळी दाखल झाले तोपर्यंत शंभर टक्के पीक जळून नष्ट झाले होते

त्यानंतर नरडाणा पोलीस विभागास खबर मिळाल्याने संध्याकाळी पोलीस नाईक विजय पाटील व त्यांचे सहकारी घटनास्थळी पंचनामा करण्यासाठी आले एकंदरीत वरील दोन्ही शेतकऱ्यांचे लाखो रुपयांचे नुकसान झालेले असून या सर्वस्वी वीज वितरण कंपनी जबाबदार आहे कारण या परिसरात 50 वर्षाहून अधिक असलेल्या तारा जीर्ण व जमिनीकडे सैल झालेले असून पोल सुद्धा वाकडे झालेले आहेत याची खबर कोणीही वितरण कंपनीचे अधिकारी घेत नाहीत म्हणून शासनाने शेतकऱ्यांना तात्काळ मदत देऊन स्वतः ऊर्जा मंत्र्यांनी तात्काळ
दखल घ्यावी व या संपूर्ण परिसरातील जीर्णतारा काढून वाकडे पोल नवीन द्यावेत व या परिसरात वारंवार कमी दाबाचा व खंडित होणारा विद्युत पुरवठा ही सुरळीत करावा अशी आग्रहाची मागणी ग्रामस्थांनी व शेतकऱ्यांनी शासनाकडे केलेली आहे