शिरपूर तालुक्यातील भाटपुरा येथील शिक्षकाचा मुलगा झाला आयएएस अधिकारी.
शिरपूर तालुक्यातील भाटपुरा येथील प्रविणकुमार पिंतांबर देवरे [उपायुक्त तथा चेअरमन जात पडताडणी समिती पुणे] यांना केंद्र शासनाने “भारतीय प्रशासन सेवा अर्थात -आयएएस कैडर बहाल केली आहे. देवरे हे सामान्य परिवारातून व ग्रामीण भागात शिक्षण घेऊन आयएएस अधिकारी झाले आहेत.
भाटपुरा येथील निवृत्त राष्ट्रपती पुरस्कार प्राप्त आदर्श शिक्षक पितांबर दौलत देवरे यांचे प्रवीणकुमार देवरे हे सुपुत्र आहेत. दिनांक २८ रोजी केंद्र सरकारने त्यांना आयएएस कैडर बहाल केले आहे.ग्रामीण भागातील स्पर्धा परीक्षात एमपीएससी व युपीएससी च्या अभ्यास करणाऱ्या विदयार्थ्यांना’ देवरे नक्कीच आदर्श ठरणार आहेत. प्रविणकुमार देबरे हे महाराष्ट्र लोकसेवा आयोगाचे १९९६ च्या बॅचचे अधिकारी आहेत.
त्यांची पहिली पोस्टिंग चंद्रपूर जिल्हयातील राजुरा उपविभागीय अधिकारी म्हणून १९९७ ला निवड झाली होती. नंतर त्यांनी अकोला उपविभागीय अधिकारी, बुलढाणा येथे निवासी उपजिल्हाधिकारी, नाशिक महानगर पालिका उपायुक्त, अहमदनगर उपजिल्हाधिकारी,सोलापुर अतिरिक्त जिल्हाधिकारी, पुणे महानगर पालिकेत अतिरिक्त आयुक्त म्हणून आजपर्यंत काम केले आहे.
देवरे हे अत्यंत शांत व प्रेमळ स्वभावाचे अधिकारी म्हणून त्यांची ओळख आहे.व आदिवासी टोकरे कोळी समाजातील पहिले आयएएस अधिकारी म्हणून त्यांचे अभिनंदन व कौतुक होत आहे.
