प्रति महात्मा फुले वाडा येथे लोकशाहीर अण्णाभाऊंची जयंती ढोले पाटलांचे हस्ते साजरी
पुणे/कात्रज- दरवर्षी प्रमाणे कुमार आहेर यांच्या प्रति महात्मा फुले वाडा येते साहित्यरत्न लोकशाहीर अण्णाभाऊ साठे यांची 101 वी जयंती निमित्त 1 ऑगस्ट 21 रोजी दु.2 वा. अण्णाभाऊ यांच्या फोटो ला ढोले पाटील एज्युकेशन च्या संचालिका गौरी व राहुल ढोलेपाटील यांचे हस्ते पुष्पहार अर्पण करण्यात आले. यावेळी राष्ट्रीय ओबीसी महासंचाचे सहचिटणीस प्रा.सुदाम धाडगे, जेस्ट सामाजिक कार्यकर्ते नवनाथ झगडे,जगणं गुंजाळ, अनिल ढोले पाटील व नटश्रेष्ठ कुमार आहेर उपस्थित होते.
यावेळी गौरी ढोले पाटील म्हणाल्या की ही धरती शेषनागावर तरली नसून ती खऱ्या अर्थाने कष्टकरी आणि श्रमकरी यांच्यावर तरली आहे.या साठी अण्णाभाऊंनी खूप मोठे प्रबोधन केले आहे.पुढे त्या म्हणाल्या की भारतीय संविधानाचा कोणी अपमान करणार असेल तर ते खपवून घेणार नाही.
यावेळी कुमार आहेर यांची जागतिक आंबेडकरवादी केंद्रीय साहित्य मंडळवर केंद्रीय उपाध्यक्ष म्हणून नुकतीच निवड झाली म्हणून फुले शाहु आंबेडकर एज्युकेशनल अँड सोशल फौंडेशन चे अध्यक्ष सत्यशोधक रघुनाथ ढोक यांनी फोन करून अभिनंदन केले.
कार्यक्रमाचे सूत्रसंचालन प्रा.सुदाम धाडगे आणि आभार नवनाथ झगडे यांनी मानले .
