विभूतवाडी प्रथमच साध्य फाउंडेशनच्या माध्यमातून महिलांना व्यासपीठ मिळाले…होम मिनिस्टर,खेळ पैठणीचा कार्यक्रम उत्साहात संपन्न
विभूतवाडी ता.आटपाडी येथे दिपावलीनिमित्त साध्य फाउंडेशन आयोजित गवळी भाऊजींचा होम मिनिस्टर खेळ पैठणीचा कार्यक्रम पार पडला. यावेळी मोठ्या प्रमाणावर महिला उपस्थित होत्या.. पहिलाच कार्यक्रम मोठ्या उत्साहात पार पडला. या माध्यमातून महिलांना एक व्यासपीठ मिळाले दरवर्षीचा असा कार्यक्रम व्हावा अशा अपेक्षा ग्रामस्थातून उमटू लागल्या आहेत.
या कार्यक्रमासाठी गावचे सुपुत्र उच्च पदस्थ अधिकारी IRS डॉ.सचिन मोटे व साध्य फाऊंडेशन संस्थापिका -विद्याताई सचिन मोटे व आपल्या नवनिर्वाचित लोकनियुक्त सरपंच सुरज तानाजी पाटील व सर्व नवनिर्वाचित ग्रामपंचायत सदस्य व मान्यवर उपस्थित होते.
या कार्यक्रमात गावातील महिलांनी उस्फुर्त भाग घेतला होता.पहिल्यांदाच गावातील महिला मोठ्या संख्येने एकत्र आल्या होत्या. इथून पुढील काळात असे अनेक उपक्रम राबवू असे साधे फाउंडेशनच्या संस्थापक अध्यक्ष विद्याताई मोटे यांनी जाहीर केले.
