लखीमपुर खीरी येथे शेतकऱ्यांवर झालेल्या हल्याच्या निषेधार्थ ११ ऑक्टोबरला महाराष्ट्र बंदची हाक !!
जगदीश का. काशिकर,
कायदा (लॉ) / गुंतवणुक (ईन्वेस्टमेंन्ट) सल्लागार (कन्सलन्टंट) व मुक्त पत्रकार*, महाराष्ट्र. व्हाटसअप – ९७६८४२५७५७
लखीमपुर खीरी येथे शेतकऱ्यांवर झालेल्या हल्याच्या निषेधार्थ ११ ऑक्टोबरला महाराष्ट्र बंदची हाक देण्यात आली असल्याची माहिती राष्ट्रवादी काँग्रेसचे प्रदेशाध्यक्ष तथा राज्याचे जलसंपदा मंत्री ना. जयंत पाटील यांनी माध्यमांना दिली. हा महाराष्ट्र बंद राज्य सरकारने पुकारला नसून महाविकास आघाडीतील पक्षांनी पुकारला असल्याचे त्यांनी सांगितले.
भारतातील शेतकऱ्यांविरोधात भाजप क्रूरतेने वागत आहे. शेतकऱ्यांना चिरडणार्या व त्यांच्यावर अत्याचार करणाऱ्यांना मोकळे सोडले जात असल्याचा निषेध त्यांनी व्यक्त केला. बंदचे आवाहन करतानाच रुग्णवाहिका, दूधसेवा तसेच इतर अत्यावश्यक सेवांना या बंद मधून वगळण्यात आले असल्याचे त्यांनी स्पष्ट केले.
