शिवसेना (उद्धव बाळासाहेब ठाकरे) बीड जिल्हा च्या वतीने शिवजन्मोत्सव 2023 विविध सामाजिक उपक्रमांनी साजरा –शेख निजाम

शिवसेनाप्रमुख आदरणीय बाळासाहेब ठाकरे यांच्या 80 टक्के समाजकारण व 20 टक्के राजकारण या शिकवणीप्रमाणे माननीय पक्षप्रमुख उद्धव साहेब ठाकरे व आदित्यजी ठाकरे यांच्या सूचनेप्रमाणे शिवसेनेचे विचार तळागाळापर्यंत पोहोचवण्यासाठी श्री शिवछत्रपती शिवाजी महाराजांच्या जयंतीच्या निमित्ताने जास्तीत जास्त तळागाळातील लोकांपर्यंत पोहोचवण्याचा संकल्प यानिमित्ताने करण्यात आला व शिवछत्रपतींची प्रेरणा घेऊन सध्या सुरू असलेल्या केंद्रीय जुलमी राजवटी विरोधात येथून उठण्याचा प्रण यावेळी सर्व उपस्थित असलेल्या शिवसैनिकांनी घेतला व येणाऱ्या काळात शिवसेनेचा भगवा प्रत्येक निवडणुकीत फडकावा असे साकडे श्री छत्रपती शिवाजी महाराजांच्या जयंती दिनानिमित्त घालण्यात आले
बीड शहरात शिवजन्मोत्सवानिमित्त सर्व धर्मीय सार्वजनिक जयंती उत्सव रॅलीमध्ये सहभाग घेतला यावेळी सर्व धर्मीय शिवजन्मोत्सव सार्वजनिक रॅलीमध्ये विविध शाळेतील लहान लहान मुलांनी सादर केलेल्या देखाव्यांना भेट देण्यात आली व लहान लहान मुलांचे कौतुक करण्यात आले
शिवजन्मोत्सवानिमित्त जय हिंद कॅम्पस व शहर शिवसेना यांच्या वतीने छत्रपती शिवाजी महाराज पुतळ्याजवळ येणाऱ्या सर्व शिवप्रेमी साठी अल्पोपहाराची व्यवस्था करण्यात आली होती या ठिकाणी अनेक सामाजिक व राजकीय क्षेत्रातील व्यक्ती व शिवप्रेमींनी अल्पोपहाराचा लाभ घेतला व या केलेल्या उपक्रमाचे कौतुक केले या अल्पपहाराच्या कार्यक्रमांमध्ये मुस्लिम समाजातील व्यक्तींनी छत्रपती शिवाजी महाराजांच्या जयंतीचे निमित्त केलेली सेवा ही कौतुकाचा विषय ठरत होती