विद्यार्थ्यांना दोन गणवेशासाठी मिळणार प्रति विद्यार्थी सहाशे रुपये.
मात्र ही तोकडी मदत म्हणजे पालकांची थट्टा करण्याचा प्रकार. सरकारने निधी वाढवून देण्याची पालकांची मागणी.
त-हाडी-सरकारी शाळेतील विद्यार्थ्यांना शाळेच्या पहिल्याच दिवशी गणवेश मिळावा यासाठी समग्र शिक्षा अंतर्गत एका विद्यार्थ्याला दोन गणवेश घेण्यासाठी सरकारकडून सहाशे रुपये देण्याची घोषणा शिक्षण मंत्री दीपक केसरकर यांनी केली, आणि तशा पद्धतीचे आदेश देखील शिक्षणाधिकारी यांना प्राप्त झाले आहेत.शिरपुर तालुक्यातील ७७ लाख २३ हजार २०० विद्यार्थ्यांना याचा लाभ मिळणार असून, उपलब्ध झालेल्या निधीमधून आता तरी एका गणवेशासाठी तीनशे रुपये उपलब्ध झाले आहेत, आणि उर्वरित निधी प्राप्त होताच दुसऱ्या गणवेशासाठी अधिक तीनशे रुपये देखील दिले जाणार आहेत, मात्र गेल्या तीन-चार वर्षांपासून शेतकरी शेतमजूर नापिकीमुळे आर्थिक संकटात आहे, आणि शासनाकडून ही अतिशय तोकडी मदत देऊन एक प्रकारे थट्टा चालवली आहे, महागाईच्या तुलनेत किमान दोन गणवेशासाठी दोन हजार रुपये प्रति विद्यार्थी निधी द्यावा अशी मागणी सर्वसामान्य पालकांकडून केली जात आहे.
प्रतिक्रिया: शासनाकडून विद्यार्थ्यांना दोन ड्रेस साठी सहाशे रुपये अनुदान देण्यात येत आहे मात्र प्रत्यक्षात सर्वत्र महागाई झाल्यामुळे या अनुदानामध्ये ड्रेस होत नाहीत
- रावसाहेब चव्हाण, शिक्षण तज्ञ, त-हाडी
