दोन वर्षांत १ हजार ९९८ लोकांना श्वानांचा, ७८ लोकांना साप,२२२ लोकांना विंचू,तर १८ लोकांना कशाने चावा घेतला माहीतच नाही….

दोन वर्षांत १ हजार ९९८ लोकांना श्वानांचा, ७८ लोकांना साप,२२२ लोकांना विंचू,तर १८ लोकांना कशाने चावा घेतला माहीतच नाही….

त-हाडी – प्रतिनिधी

पावसाळ्यात साप दिसण्याचे प्रमाण वाढते. आढळणारे प्रत्येक साप विषारी नसतात. यामध्ये चार प्रमुख जाती विषारी आहेत, त्या तालुक्यात आढळून येतात.तसेच
नगरपालिका, नगरपंचायत व ग्रामपंचायत प्रशासनाच्या वतीने श्वानांच्या नसबंदीची मोहीम राबविली जात नाही.दरम्यान अनेकांना मोकाट श्वानांनी चावा घेतल्याने त्यांना तातडीने रुग्णालय गाठावे लागले.

दोन वर्षात तालुक्यातील १९९८ लोकांना श्वनाने चावा घेतला,७८ लोकांना सापाने,२२२ लोकांना विंचूणे तर १८ लोकांना काय चावले हेच माहित नसल्यासाचे शिरपूर उपजिल्हा रुंग्णालयाच्या मिळालेल्या आकडेवारीवरून दिसुन येत आहे.१ हजार ९९८ जणांना कुत्र्यांनी चावा घेतला. मात्र, लागलीच उपचार झाल्याने व रॅबिज अॅन्टी लस दिल्याने रुग्णांचा जीव वाचला.तर ७८ जणांना साप व २२२ विंचू ने चावा घेतल्याने.परिणामी, पावसाळ्यात प्रत्येकाने सापापासून काळजी घ्यावी. सध्या पावसाळा सुरू आहे, त्यामुळे या दिवसांमध्ये बाहेर पडणारे साप आणि सर्पदंशाचे प्रमाण वाढते. पावसाळ्यात सापांच्या बिळांमध्ये पावसाचे पाणी गेल्याने साप बाहेर पडतात. तथा या दिवसांमध्ये बेडूक जास्त प्रमाणात बाहेर पडतात. भक्ष्याच्या शोधार्थ सापही बाहेर संचार करतात. यामुळे पावसाळ्यात बाहेर पडताना व साप आढळून आल्यास काळजी घेणं आवश्यक आहे.

श्वानाची नसबंदी आवश्यक

शहरासह ग्रामीण भागात मोकाट कुत्र्यांची संख्या अलीकडे बरीच वाढली आहे. प्रशासनाने नसबंदी करणे आवश्यक आहे.

कुत्रे चावल्यास काय कराल?

चावा घेतल्याने झालेली जखम तत्काळ धुवून स्वच्छ करावी. जखमेला औषध लावून डॉक्टरांकडे जावे. रेबीज होऊ नये, यासाठी लस टोचून घ्यावी, असा सल्ला तालुका वैद्यकीय अधिकारी डॉ प्रसन्न कुलकर्णी यांनी दिला आहे. श्वानाचा चावा घेतलेल्यांवर तातडीने उपचार होतात

साप चावल्यास काय कराल?

साप चावल्यानंतर घाबरुन जाऊ नका, ज्याला साप चावला त्यास मानसिक आधार द्यावा. रुग्णास श्रम करू न देता त्यास शांतपणे बसून ठेवा.. सर्पदंश झालेल्या अवयवास हृदयाचे खालच्या पातळीवर ठेवा. सर्पदंश झालेल्या २ ठिकाणी जखम झाली असल्यास ती स्वच्छ पाण्याने धुऊन निर्जंतुक करावी.

तालुक्यात विषारी सपाच्या ४ जाती.
नाग…
नागाची ओळख म्हणजे त्याचा फणा, नागाच्या बरगड्या फार लवचीक असल्याने त्यास फणा काढणे शक्य होते. नागाच्या मागच्या बाजूला एखादेवेळी ९ किंवा १० चा आकडा असू शकतो.

घोणस… …
या सापांच्या अंगावर तपकरी रंगाच्या गोल काळ्या ठिपक्यांच्या तीन रांगा असतात. अजगरासारखा जाडसर आणि साधारण पाच ते सहा फुटांपर्यंत लांब असतो.

मण्यार…
या सापांचे विषदंत लहान असून, याचे विष अत्यंत जहाल असते. नागाच्या विषापेक्षा ते तीव्र असते. रंगाने निळसर काळा, अंगावर आडवे पट्टे असतात.

तालुक्यात सापाच्या ३० च्या आसपास प्रजाती आहेत…..
तालुक्यात विषारी सापासोबत साप आढळून येतात. अशा एकूण ३० प्रजाती तालुक्यात आहेत. यामध्ये कवड्या, धामण, चित्रक, डुरक्या घोणस, गवत्या, अजगर या सारख्या सापांचा वावर असतो.