फेस्कॉम मुंबई प्रादेशिक विभागाचे सातवे द्वैवार्षिक अधिवेशन विलेपार्ले-पूर्व येथील मा.दीनानाथ नाट्यगृहात संपन्न
फेस्कॉम च्या खरा तो एकची धर्म या साने गुरूजींच्या प्रार्थनेने कार्यक्रमास सुरूवात झाली. फेस्कॉम मुंबई प्रादेशिक विभागाचे अध्यक्ष श्री. शरद डिचोलकर यांनी प्रास्ताविक भाषण केले.
मा.पोलीस आयुक्त श्री. विवेक फणसळकर, यांचे सकाळी 10.30 वाजता आगमन झाले त्यांनी ज्येष्ठ नागरिकांनी सादर केलेल्या मनोरंजन कार्यक्रमाचा काही काळ आस्वाद घेतला.बांदरा पोलिस उपायुक्त श्री दिक्षित गेडाम, विलेपार्ले-पूर्व पोलिस स्टेशनच्या वरिष्ठ पोलीस निरीक्षक श्रीमती रेणुका बुआ, इतर ज्येष्ठ पोलीस अधिकारी, फेस्कॉमचे उपाध्यक्ष श्री अण्णासाहेब टेकाळे, फेस्कॉम मुंबई प्रादेशिक विभाग अध्यक्ष श्री शरद डिचोलकर, फेस्कॉम मुख्यालयाचे उपाध्यक्ष श्री विजय औंधे, माजी नगरसेवक श्री. अभिजीत सामंत व इतर मान्यवरांच्या उपस्थितीत यानिमित्त काढलेल्या विशेष स्मरणिकेचे प्रकाशन करण्यात आले.श्री अण्णासाहेब टेकाळे यांनी आपल्या मनोगतात दिनांक 13 जुलै 2023 रोजी पोलिस आयुक्तांनी आयोजित केलेल्या अभिनव ज्येष्ठ नागरिक मेळाव्याबद्धल त्यांचे अभिनंदन केले.आपल्या अध्यक्षीय भाषणात ब्रुहन्मुंबई पोलीस आयुक्त श्री विवेक फणसळकर यांनी आपल्या खुमासदार भाषण शैलीने सर्वांची मने जिंकली. सर्व ज्येष्ठ नागरिकांना पोलिसांकडून दर्जेदार सेवा देण्यात येईल व मुंबई पोलीस दल नेहमीच ज्येष्ठांच्या हितासाठी कार्यरत व तत्पर राहील असे आश्वासन पोलीस आयुक्तांनी दिले.
नंतर KEM हाॅस्पिटलच्या माजी अधिव्याख्याता डाॅ. शुभांगी पारकर यांची मुलाखत फेस्कॉम मुख्यालयाचे उपाध्यक्ष श्री. विजय औंधे यांनी योग्य प्रश्न विचारून उत्तमरीत्या घेतली.
विलेपार्ले पोलीस स्टेशनच्या श्रीमती रेणुका बुआ यांनी ज्येष्ठ नागरिकांनी आपल्या ऑनलाईन व्यवहारांची कशी काळजी घ्यावी याबाबत मार्गदर्शन केले.
यानंतर कराओकेवर गाणी, नृत्याविष्कार, अभिनय इ. नी. सजलेला मनोरंजन कार्यक्रम सादर करण्यात आला.
फेस्कॉमचे उपाध्यक्ष श्री. अण्णासाहेब टेकाळे यांच्या हस्ते जास्तीत जास्त पृष्ठप्रायोजक मिळवून देणाऱ्या पहिल्या तीन संघांना सन्मानचिन्हे देण्यात आली. त्यांची नावे खालीलप्रमाणे
प्रथम-सोबती, विलेपार्ले-पूर्व.
द्वितीय-बेस्टनगर, गोरेगाव.
तृतीय- सानपाडा ज्ये. ना. संघ.
नंतर या अधिवेशनात काही ठराव सर्वसंमतीने मंजूर झाले.
हे अधिवेशन भरविण्यासाठी सोबती विलेपार्ले-पूर्व संघाचे सदस्य व डहाणूकर काॅलेजमधील NSS चे विद्यार्थी यांची खूप मदत झाली.तसेच इतर ज्येष्ठ नागरिक संघांच्या सभासदांनी स्वयंसेवक म्हणून काम केले
फेस्कॉम, मुंबई प्रादेशिक विभागाचे सचिव श्री. सुरेश पोटे यांनी सर्वांचे आभार मानून अधिवेशनाचा समारोप केला. कार्यक्रमाचे सूत्रसंचालन श्रीमती प्रतिभा सराफ यांनी सुंदर शब्दात केले याचे सर्वानी कुवतुक करण्यात आले.
