खरसूंडी पवित्र नाथनागरीला मटक्यामुळे लागले गालबोट
खरसुंडी ता. आटपाडी येथे पवित्र भूमीत सिद्धनाथ देवस्थान असून हे देवस्थान संपूर्ण महाराष्ट्रातच नव्हे तर इतर राज्यात सुद्धा प्रसिद्ध आहे .याच नाथ नगरीमध्ये भाविकांची सतत वर्दळ असते .त्यामुळे बाजारपेठेमध्ये चांगलीच उलाढाल होत असते.परंतु याच पवित्र भूमीला अवैध धंद्याचे गालबोट लागले आहे. येथे मटका मोठ्या प्रमाणात खेळला जातो याबाबत अनेक तक्रारी झाल्या होत्या परंतु अद्याप मटका बंद झाला नाही. .
नाथ नगरीत मटका बुकिंग चे आड्डे चौका चौकात जणू काय दुकानच टाकून बसले आहेत. यामध्ये युवा पिढी बरकटत चालली आहे मटका बुकिंग खुलेआम असल्यामुळे मटका खेळणाऱ्यास व मटका घेणाऱ्यास कायद्याची भितीच राहिलेली नाही .
खरसुंडी हायस्कुल रोड बलवडी चौक या चौकातून शाळेतील विद्यार्थ्यां व विद्यार्थिनीची ये जा होत असते परंतु या चौकात मटका घेणाऱ्याचा जणू अड्डा बनला आहे . ज्येष्ठ मंडळी तरुण मंडळी रोजगार नसल्यामुळे कमी पैशांमध्ये श्रीमंत होण्याचे स्वप्न बघत आहेत हे स्वप्न बघत बघत व्यसनाच्या आधीन जाऊन आपल्या करिअरचे व आपल्या परिवाराचे नुकसान करत आहेत पण यावर प्रशासन कोणतीही दखल घेत नाही
..श्री सिद्धनाथ हे पवित्र देवस्थान आहे या ठिकाणी असलेल्या मटका जुगार व बे कायदेशीर व्यवसायाचा योग्य तो लवकरात लवकर आळा बांधा करण्यात यावा. अशी मागणी नागरकांमधून होत आहे.त्याचबरोबर दररोज बाहेरून येणारा भक्तांचा ओघ पाहता बाजारपेठेत सतत गर्दी असते. परंतु या भक्तांच्या वरदळीला गालबोट लागावे असे कृत्य अनेक अवैध धंद्यातून होत आहे. अशा या सिद्धनाथाच्या पवित्र भूमीला मटक्याचे गालबोट लागले आहे.तसेच दिवसा ढवळ्या पानपट्टी वर आकडे घेतले जातात आणि या आकड्याचा व्यवसाय सध्या तेजीत आहे.नाथ नगरीमध्ये बाहेरून येणारा भक्तांचा ओघ व स्थानिक नागरिकांमध्ये आकडा खेळण्याची आवड पाहता या नाथ नगरीमध्ये चार ते पाच व्यक्ती हा व्यवसाय करतात.
अनेक वेळा पोलिसांनी धाडी टाकून गुन्हे दाखल केले आहेत. परंतु पोलिसांच्या नजरा चुकवून अनेक जण या व्यवसायामध्ये गुंतलेले आहेत .या व्यवसायामुळे अनेक तरुणांचे संसार उध्वस्त झाले आहेत. तरीसुद्धा हा व्यवसाय तेजीत आहे.यामध्ये तरुण वर्ग देशोधडीला लागत आहे . तर अनेक जणांचे संसार उध्वस्त झाले आहेत तरीसुद्धा हा व्यवसाय तेजीत चालतो. या अवैध धंद्याचा भाविक भक्तांना सुद्धा त्रास होताना दिसत आहे.खरसुंडी ही सिद्धनाथाची नगरी आहे .भाविकांची वर्दळ असल्याने अवैध धंदेवाल्यांचे फावले आहे. तरी पवित्र स्थान असलेले नाथ नगरीतील अवैध व्यवसाय बंद व्हावेत अशी नागरिकांतून मागणी होत आहे.
