पत्रकार सदाशिव पुकळे कोहीनूर राष्ट्रीय पुरस्काराने सन्मानित..
आटपाडी तालुक्यातील पत्रकारिता आणि सामाजिक क्षेत्रात सातत्याने उल्लेखनीय कार्य करणारे दैनिक केसरीचे आटपाडी तालुका प्रतिनिधी सदाशिव तुकाराम पुकळे यांना कोहीनूर राष्ट्रीय पुरस्कार २०२५ प्रदान करण्यात आला आहे. महाराष्ट्र दिनाचे औचित्य साधून नाशिक येथे झालेल्या दिमाखदार समारंभात त्यांना हा सन्मान देण्यात आला आहे.
.हा पुरस्कार निती आयोग भारत सरकार मान्यताप्राप्त बाळशास्त्री जांभेकर पत्रकार संस्था (संघ) यांच्या तर्फे प्रदान करण्यात आला असून, पत्रकारिता क्षेत्रातील एक अत्यंत प्रतिष्ठेचा मानला जाणारा हा पुरस्कार आहे. पुरस्कार वितरण सोहळ्याचे आयोजन कलाकुंज, मणियार टॉवर, रविवार पेठ, नाशिक येथे करण्यात आले होते. संस्थेचे राष्ट्रीय अध्यक्ष डॉ. महेंद्र देशपांडे यांच्या हस्ते सदाशिव पुकळे यांना सन्मानपत्र देण्यात आले.
“पत्रकारितेच्या माध्यमातून सामाजिक भान जपत ग्रामीण भागातील प्रश्नांना वाचा फोडणारे पुकळे हे नवोदित पत्रकारांसाठी प्रेरणास्थान आहेत,” असे गौरवोद्गार यावेळी प्रमुख पाहुण्यांनी काढले.
पुकळे यांनी आपल्या वक्तव्यात सांगितले की, “हा पुरस्कार म्हणजे माझ्या कार्याला मिळालेला बहुमान असून यामुळे समाजासाठी आणखी जबाबदारीने काम करण्याची प्रेरणा मिळाली आहे.
