वाढदिवसाचा खर्च टाळत पहिली ते चौथीच्या ५० विद्यार्थ्यांना स्वखर्चाने दिल्या शैक्षणिक साहित्य…… सामाजिक कार्यकर्ते ज्ञानेश्वर भामरे यांचा अनोखा उपक्रम ……त-हाडी जिल्हा परिषद मराठी शाळेत केले वाटप
त-हाडी- प्रतिनिधी
लहानपणी शाळेत अनवाणी पायाने जावा लागले, दप्तर लांब नायलॉन पिशवीचा वापर शाळेत जाण्यासाठी करावा लागला, शिक्षण कसबस कमी पैशात ओढाताण करून पूर्ण केलं त्यानंतर गरीब परिस्थितीमुळे शेतावर मोलमजुरी काम केल्यानंतर स्वकर्तृत्वाने चांगली परिस्थिती झाल्यानंतर गोरगरीब यशस्वी विद्यार्थ्यांसाठी काहीतरी करावे या उदात्त हेतूने वाढदिवसाचा खर्च टाळून त-हाडी जिल्हा परिषद मराठी शाळेत मधील पहिली ते चौथी मधील गोरगरीब गरजु विद्यार्थ्यांना शैक्षणिक साहित्य वाटप त-हाडी येथील अश्वत्थामा फोटो स्टुडिओ संचालक ज्ञानेश्वर वसंत भामरे वतीने करण्यात आले.
त्यावेळी कार्यक्रमाचे अध्यक्ष धुळे आटीआय कॉलेज शिक्षक मिलिंद युवराज बोरसे होते तसेच प्रमुख पाहुणे म्हणून , जितेंद्र भामरे, पंकज पाटील, श्याम पाटील, सचिन भामरे, पायल पाटील, ममता भामरे मराठा कुणबी पाटील बहुद्देशीय संस्था अध्यक्ष रावसाहेब चव्हाण, होते
बुधवार सकाळी जिल्हा परिषद मराठी शाळा त-हाडी येथे सामाजिक कार्यकर्ते ज्ञानेश्वर भामरे यांच्या दोन मुलीच्या मानसी बोरसे व ममता भामरे यांचा अभिष्टचिंतनानिमित्त इयत्ता १ ली ते ४ थी च्या , एकूण ५० विद्यार्थ्यांचा शैक्षणिक साहित्य पाटी, पेन पेन्सिल, दत्तर, वह्या, वाटप करून अनोखा व आगळावेगळा सन्मान करण्यात आला. ज्ञानेश्वर भामरे यांनी मनोगतात विद्यार्थ्यांना अभ्यासात आवड निर्माण व्हावी, उद्याचे भारताचे नागरिक घडवण्यासाठी त्यांच्या पाठीवर एक कौतुकाची थाप व आशीर्वाद असावेत म्हणून हा एक छोटासा प्रयत्न केल्याचे यावेळी स्पष्ट केले.
जिल्हा परिषद मराठी शाळा त-हाडी ही शाळा गावाचा अभिमान असून एक पवित्र मंदिर आहे , शैक्षणिक साहित्य वितरण करून त्या विद्यार्थ्यांची ज्ञानाची गती वाढेल व त्यांचा पंखात अधिक बळ येईल असे मनोगत मुख्याध्यापक रावसाहेब चव्हाण यांनी व्यक्त केले.
यांनी शाळा शैक्षणिक साहित्य वाटप केल्याबद्दल भामरे यांचे आभार मानले. विविध मान्यवरांनी यावेळी या उपक्रमाचे स्वागत केले.
मुख्याध्यापक रविंद्र पाटील यांनी विद्यालयातील विद्यार्थ्यांची माहिती विषद केली.सुत्रसंचलन अशोक बडगुजर यांनी केले. आभार शिवागी देवरे यांनी केले
यावेळी कार्यक्रमास
सर्व शिक्षक वृंद व विद्यार्थी हे मान्यवर उपस्थित होते.
