प्रीतीताई घार्गे- पाटील यांच्या वाढदिवस निम्मित के एम शुगर येथे वृक्षारोपण कार्यक्रम संपन्न
मायणी …प्रतिनिधी
माजी आमदार व के एम शुगरचे चेअरमन प्रभाकर घार्गे यांच्या कन्या संचालिका प्रीतीताई घार्गे- पाटील यांच्या वाढदिवसानिम्मित मान्यवरांच्या उपस्थितीत खटाव माण अँग्रो पडळ येथे कारखाना कार्यस्थळी वृक्षारोपण कार्यक्रम संपन्न झाला.
काल मंगळवार रोजी दुपारी १२ वाजता कारखाना कार्यस्थळी प्रांगणात चेअरमन प्रभाकर घार्गे यांच्या प्रमूख उपस्थितीत आणि को-चेअरमन,आमदार मनोजदादा घोरपडे यांच्या मार्गदर्शनाखाली संपन्न झालेल्या या कार्यक्रमात कारखाना कार्यस्थळावर प्रितीताई घार्गे यांच्या हस्ते वृक्षारोपण करण्यात आला. यावेळी संचालक सनी क्षीरसागर, जनरल मॅनेजर काकासाहेब महाडिक, मुख्यशेती अधिकारी किरण पवार, चीफ अकौंटंट अजित मोरे, प्रशासकीय अधिकारी मल्हारी नाकाडे, वैभव पवार, यांची प्रमुख उपस्थिती होती. यावेळी कारखान्याच्या सर्व अधिकारी व कर्मचारी वर्ग यांचे वतीने संचालिका प्रीतीताई घार्गे यांचा यथोचित सन्मान करण्यात आला.यावेळी उपस्थितांनी मनोगत व्यक्त करताना प्रीतिताईंच्या संघर्षमय व सक्षम व्यावसायिक नेतृत्वाचे कौतुक केले.
प्रीतीताई घार्गे पाटील यांनी वाढदिवसाच्या निम्मिताने झालेल्या सत्कारप्रसंगी व्यक्त होताना यापुढेही असे सामाजिक उपक्रम राबवण्यासाठी प्रयत्नशील राहणार आहे ,असे आश्वासन दिले.
यावेळी सुत्रसंचलन मल्हारी नाकाडे यांनी केले तर आभार जनरल मॅनेजर काकासाहेब महाडिक यांनी केले.
