अंत्ययात्रेला हजेरी लावणार्‍या श्‍वानाच्या मृत्युने गावकरी हळहळले
वाघडू ता चाळीसगाव: प्राण्यांबाबत मानवी प्रेम विविध घटनांवरून दिसून आले आहे. ग्रामीण भागात कुत्रा पाळीव प्राणी गणला जातो. घराची, शेताची राखण करण्यासाठी तो इमानदारीे सेवा बजावत असल्याच्या अनेक घटना समोर येत असतांना गावकर्‍यांच्या सुखदुखातही आपला सहभाग देणार्‍या व कोणी गावकरी मृत्युमुखी पडला तर त्याच्या अंत्यसंस्काराला हजेरी लावणार्‍या श्‍वानाचा झालेला मृत्यु तालुक्यातील वाघडूकरांच्या मनाला चटका लावून गेला.
वाघडू ता. चाळीसगाव येथे गेल्या काही दिवसापासून परशा नावाचा कुत्रा गावकर्‍यांच्या कुतुहूलचा विषय ठरला. वाघडू गावातील कुणाचेही निधन झाले तर त्याच्या अंत्ययात्रेला थेट हजेरी लावत स्मशानभूमीपयर्र्ंत तो येत असे.
अगदी दुसर्‍या दिवशी सारीच्या कार्यक्रमालाही या परशा कुत्र्याची हजेरी असायची. सारीच्या दिवशी कुठल्याही नैवद्याला तोंड लावायचा नाही. ज्याघरी कुणा व्यक्तीचा मृत्यू झाला तर या परशा श्‍वानचा त्या घरी दहा दिवस मुक्काम असायचा.माणसांमध्ये रमणारा हा श्‍वान गावकर्‍यांचा लाडका होता. नुकताच त्याचा मृत्यु झाल्याने हा मृत्यु गावकर्‍यांना चटका लावून गेला.
