बैलगाडा शर्यत पुन्हा सुरू करण्यासाठी आयोजित केलेली खुली बैठक आज मंत्रालयातील त्रिमूर्ती प्रांगणात संपन्न झाली – खासदार श्री अमोल काेल्हे
जगदीश का. काशिकर,
कायदा (लॉ) / गुंतवणुक (ईन्वेस्टमेंन्ट) सल्लागार (कन्सलन्टंट) व मुक्त पत्रकार*, महाराष्ट, व्हाटसअप – 9768425757
मुंबई: सेव्हन हिल्स रुग्णालयात कोरोनाच्या उपचारासाठी मी दाखल असल्यामुळे या बैठकीला उपस्थित राहू शकलो नाही. परंतु या बैठकीपुर्वी राज्याचे पशुसंवर्धनमंत्री श्री. सुनीलजी केदार यांच्यासोबत मोबाईलवर बैलगाडा शर्यत सुरू करण्यासंदर्भात भूमिका मांडत चर्चा केली.
या बैठकीमध्ये पशुसंवर्धन मंत्री श्री. सुनिलजी केदार यांनी उपस्थितांशी संवाद साधताना एका महिन्यात बैलगाडा सरावाचा विषय सोडविला जाईल. तसेच न्यायालयात असलेल्या विषयात राज्य सरकार शेतकऱ्यांच्या बाजूने उभे राहून बाजू मांडणार असल्याचे सांगितले आहे.
तर गृहराज्यमंत्री श्री. सतेजजी पाटील यांनी बैलांची वाहतूक करणाऱ्या शेतकऱ्यांना त्रास होऊ नये यासाठी येत्या दोन दिवसांत गृहविभागाच्या अधिकाऱ्यांशी चर्चा करुन निर्देश दिले जातील असे सांगितले.
बैलगाडा शर्यत सुरू व्हावी ही जनतेची व शेतकऱ्यांची इच्छा आहे. सरकार शेतकऱ्यांच्या इच्छेने सत्तेवर आले आहे. त्यामुळे शेतकऱ्यांचा प्रतिनिधी म्हणून त्यांच्या मागणीला समर्थन दिले आहे. श्री. सुनिलजी केदार हे पारदर्शक मंत्री आहेत. त्यामुळे त्यांनी मंत्रालयात खुली बैठक बोलावली आहे. ते हा प्रश्न नक्की सोडवतील असा विश्वास श्री. जयंत पाटील साहेबांनी यावेळी बोलताना व्यक्त केला.
तसेच विविध जिल्ह्यांतील बैलगाडा मालक संघटनेच्या पदाधिकाऱ्यांनी त्यांची भूमिका मांडली.
या बैठकीला आमदार श्री. शशिकांतजी शिंदे, आमदार श्री. संग्राम थोपटे, आमदार श्री. निलेश लंके, आमदार श्री. अनिल बाबर, आमदार श्री. संजय जगताप, पशुसंवर्धन विभागाचे अतिरिक्त आयुक्त श्री. डी. डी. परकाळे, डॉ. प्रशांत भड, विधी व न्याय, गृह विभागाचे विविध अधिकारी, बैलगाडा मालक संघटनेचे पदाधिकारी आणि शेतकरी प्रतिनिधी उपस्थित होते.
