सुधीरास या बालकाव्यसंग्रहाचे एक ऑक्टोबर रोजी शेटफळे येथे प्रकाशन….
साहित्यिक, कवी, का ष्ट शिल्पकार रमेश जावीर यांच्या सुधीरास या बालकाव्यसंग्रहाचे ग. दि .माडगूळकर पारावरील साहित्य संमेलन शेटफळे तालुका आटपाडी जिल्हा सांगली येथे एक आक्टोबर 2025 रोजी प्रकाशन होणार असल्याचे जावीर सुचवितात. सुधीरास हा बाल काव्यसंग्रह तेजश्री प्रकाशन इचलकरंजी जिल्हा कोल्हापूर मार्फत प्रकाशित होत असून या काव्यसंग्रहात एकूण 51 कविता आहेत.
या काव्यसंग्रहास प्रसिद्ध साहित्यिक सुनील दबडे यांची प्रस्तावना लाभली आहे. रमेश जावीर यांचे हे पाचवे पुस्तक प्रकाशन आहे. यापूर्वी त्यांची होलिया काव्यसंग्रह ,वाजाप कथासंग्रह ,सप्तरंगी कला ललित लेख संग्रह, कर्मवीर स्तुतिकाव्य सुमने संपादित काव्यसंग्रह इत्यादी पुस्तके प्रकाशित झाली आहेत.
सुधीरास या बालकाव्यसंग्रहाचे ई बुक पुस्तक प्रकाशन पुस्तक मार्केट डॉट कॉम नारायणगाव पुणे मार्फत 2023 मध्ये झाले आहे. या बालकाव्यसंग्रहास प्रकाशन पूर्व मराठी बालकुमार साहित्य सभा कोल्हापूर यांच्यावतीने उत्कृष्ट साहित्य निर्मिती पुरस्कार दिनांक 25 फेब्रुवारी 2024 रोजी प्राप्त झाला आहे .बालकाव्य निर्मिती ही तशी अवघड बाब आहे .पण श्री रमेश जावीर यांनी ती लीलया केली आहे .साहित्य रसिक व आटपाडी तालुका साहित्य मंच च्या सर्व साहित्यिक कवी मित्रांनी कार्यक्रमाला उपस्थित रहावे असे आवाहन करण्यात येत आहे.
