पां. रा.घोगरे विज्ञान महाविद्यालयातील जैवरसायनशास्त्र विभागामार्फत कुंडाणे येथे रक्तगट तपासणी शिबीर उत्साहात संपन्न .
ता.१ रोजी श्री शिवाजी विद्या प्रसारक संस्थेचे एक्झिक्यूटिव्ह बोर्डाचे चेअरमन मा. बाबासाहेब कुणालजी पाटील यांच्या संकल्पनेतून सेवा पंधरवड्याच्या निमित्ताने कै. कर्मवीर डॉ.पा.रा.घोगरे विज्ञान महाविद्यालयाच्या जैवरसायनशास्त्र विभागातर्फे कै.मो.ता.पाटील विद्यालय, कुंडाणे (वार) येथे रक्तगट तपासणी शिबिराचे आयोजन करण्यात आले.कार्यक्रम प्रसंगी शिबिराचे अध्यक्ष कै.कर्मवीर डॉ.पा.रा.घोगरे विज्ञान विद्यालयाचे प्राचार्य डॉ.मनोहर पाटील होते.प्रमुख पाहुण्या म्हणून सरपंच आशाताई पाटील तर बी.एन.पाटील,गोरख पाटील,अँड.गावरचंद पाटील,दादाजी मोरे,कुंडाणे गावाचे माजी उपसरपंच गवरलाल पाटील,सामाजिक कार्यकर्ते हेमंत वाघ,संदीप शेलार,हेमराज वाघ माजी गावातील मान्यवर उपस्थित होते.शेकडो ग्रामस्थ,महिला,विद्यार्थी उत्साहाने सहभागी झाले.
रक्तगट तपासणी ही आरोग्याच्या दृष्टीने अत्यंत महत्त्वाची बाब असल्याचे पाहुण्यांनी स्पष्ट केले. “रक्तदान हे महादान असून आजचे शिबिर हे रक्तदानासाठी प्रारंभबिंदू ठरेल”ग्रामीण भागात अजूनही अनेकांना आपला रक्तगट माहित नसल्याने या शिबिराचे महत्त्व अधोरेखित झाले.“आपल्या रक्तगटाची माहिती असणे ही आरोग्य जपण्याची पहिली पायरी आहे” असे प्रतिपादन प्राचार्य डॉ.मनोहर पाटील यांनी केले.कार्यक्रमाचे सूत्रसंचालन व शिबिराचे आयोजन प्रा. अश्विनी पाटील यांनी केले तर यशस्वीतेसाठी डॉ.वाय.डी.अडसूळ,प्रा.तय्यबा अन्सारी,प्रा.विकास पाटील,प्रा.अनिश्मा राजपूत तसेच स्वयंसेवक विद्यार्थ्यांनी परिश्रम घेतले.रक्तनमुने गोळा करणे,नोंदणी,अहवाल तयार करण्याची जबाबदारी विद्यार्थ्यांनी उत्साहाने पार पाडली.समारोप प्रसंगी प्राचार्यांनी उपस्थितांचे आभार मानले.या शिबिरामुळे ग्रामस्थ व विद्यार्थ्यांमध्ये आरोग्याविषयी जागृती निर्माण झाली.
सदर शिबिराच्या यशस्वी आयोजनाबद्दल संस्थेच्या एक्झिक्युटीव्ह बोर्डाचे चेअरमन मा. बाबासाहेब कुणालजी पाटील उपाध्यक्ष मा.भैय्यासाहेब डॉ.एस.टी.पाटील मा. प्राचार्य डॉ. एम. व्ही. पाटील यांनी विद्यार्थ्यांचे कौतुक केले व समाधान व्यक्त केले.
फोटो कॅप्शन
रक्तगट तपासणी शिबिर कार्यक्रम प्रसंगी उपस्थित पदाधिकारी प्राचार्य डॉ.मनोहर पाटील,कुंडाणे येथिलu लोकनियुक्त सरपंच आशाताई पाटील,माजी उपसरपंच श्री.गवरलाल पाटील,प्रा.अश्विनी पाटील प्रा.डॉ.युवराज अडसूळ तसेच जैवरसायनशास्त्र विभागातील विद्यार्थी
