*अंतुली येथे बिबट्याकडून वासरू फस्त*शेतकऱ्यांमध्ये भीतीचे वातावरण
त-हाडी
अंतुले ता.शिरपुर शिवारातील त-हाडी रस्त्यावर असलेल्या वंदनाबाई भालचंद्र ईशी यांच्या गळ्यात बांधलेल्या जनावरांपैकी तीन वर्षे वयाच्या वासरूला बिबट्याने फस्त केले असुन परीसरात हिंसक प्राणी आढळुन आल्याने भितीचे वातावरण निर्माण झाले आहे.
येथील वंदनाबाई भालचंद्र ईशी यांच्या गळ्यात बैल,म्हशी,गाई वासरु बांधलेले असतात आज पहाटे ४ वाजेच्यासुमारास बिबट्याने हल्ला करुन वासरू फस्त केल्याचे सकाळी लक्षात आले.सदर माहीती वासडी वनपाल के आर सुर्यवंशी .
यांना कळविण्यात आली त्यांनी जवळपास पायाच्या मागाची पहाणी केली असता बिबट्याचे माग असल्याचे सांगितले तसेच बिबट्याच्या मागा सोबत लहान माग आढळुन आल्याने बिबट्या मादी असल्याचा निष्कर्ष काढला.परीसरात भितीचे वातावरणपरीसरात मका,ऊस,केळी, कापूस पिकांची लागवड करण्यात आली आहे.सदर पिके परीपक्वतेच्या मार्गावर आहेत तसेच वातावरातील थंडता कमी होऊन उष्णता वाढल्याने पिकांना पाणी देण्याचें काम सुरु आहे.
परीसरात विजेची रात्रपाळी असल्याने बिबट्या आढळताच भितीचे वातावरण निर्माण झाले आहे. मका,ऊस,केळी पपई ही पिके उच असल्याने बिबट्याला लपण्यास मोठा वाव असला तरी शेतकऱ्यांनी शेतात गेल्यावर फटाके फोडावेत तसेच शेकोटी मशालचा वापर करुन सतर्कता बाळगावी असे वनपाल के आर सुर्यवंशी..यांनी आवाहान केले.घटनास्थळी डॉ भामरे यांनी भेट देऊन वासरूचा पंचनामा केला असुन पुढील तपास वनरक्षक ए, टि ,काशिदे वनमजुर दिनेश पावरा, सुरेश पावरा यांचेसह वासडी वनपाल के आर सुर्यवंशी. करीत आहे.
