दोन किलोमीटरच्या मुरमीकारण रस्त्यावर माती वापरली तरीही ग्रामपंचायतने न हरकत दाखला दिला कसा ?
13 लाख 97 हजार 227 रुपयेचा खर्च मातीत….
माणगंगा न्युज
रस्त्यावर मुरूम नसताना ग्रामपंचायतीने न हरकत दाखला दिलाच कसा ?
माणगंगा न्यूज
आटपाडी तालुक्यातील विभूतवाडी येथील पूर्व खरजेवस्ती ते पश्चिम खरजेवस्ती हा रस्ता सन 2021… 22 मध्ये रोजगार हमी योजनेतून झाला आहे.या रस्त्याचे इस्टिमेट 19लाख 50 हजार 485 रुपये इतके आहे. परंतु प्रत्यक्ष दर्शनी या रस्त्यावर13 लाख 97 हजार 227 रुपये एवढी रक्कम खर्च झाली असल्याचे रोजगार हमी कार्यालयाने सांगितले.
तर कुशल चे बिल सरासरी 4 ते साडेचार लाख रुपयाचे निघाले आहे. तर या रस्त्यावर मुरूम न टाकताच माती टाकली होती सध्या या रस्त्यावर मातीच आहे. जवळपास 2 किलोमीटर चा रस्ता मुरमीकरण रस्ता म्हणून मंजूर झालेला होता. परंतु या रस्त्यावर कोणत्याही पद्धतीचा मुरूम टाकलेला नव्हता. त्या रस्त्यावर रस्त्याच्या दोन्ही साईटची माती रस्त्यावर भरली होती. ती माती जेसीबीच्या साह्याने भरली होती. येना- जाणाऱ्या वाहनांना त्यावेळेला अडचण होत नव्हती. त्यामुळे नागरिकांनी त्या रस्त्याकडे फारसे लक्ष दिले नव्हते.परंतु मागील काही महिन्यापासून त्या रस्त्यावर टाकलेली माती ही दबली गेली आहे. त्यामुळे या रस्त्याला अनेक खड्डे पडलेले आहेत
.वाहन धारकांना या रस्त्यावरून ये जा करताना तारेवरची कसरत करावी लागत आहे . चार चाकी वाहन या रस्त्यावरून गेल्यास धुरळा उडतो आणि या धुळ्याचा त्रास दुचाकी वाल्यांना व रस्त्याच्या आसपासच्या पिकांचे नुकसान होत आहे.पाऊस पडल्यानंतर अनेक वेळा दुचाकी घसरल्या आहेत तर चार चाकी सुद्धा अनेक वेळा घसरत आहेत.
तसेच त्या रस्त्याची रुंदी ही अनेक ठिकाणी कमी आहे. या रस्त्याचे शेवटचे कुशलचे बिल निघाले आहे . बिल निघाल्यानंतर त्या रस्त्यावर जिथे गाड्यांची घसरगुंडी होते, जिथे खड्डे पडलेले आहेत ,अशा ठिकाणी मुरूम भरणे गरजेचे होते .परंतु असे झाले नाही त्यामुळे त्या रस्त्याने ये जा करणाऱ्या वाहनधारकांना नाहक त्रास होतोय व अनेक अपघात होतात.तर शेवटचे कुशल चे बिल निघत असताना ग्रामपंचायतीने न हरकत दाखला द्यावा लागतो.
पण सध्या त्या रस्त्यावरील कुशल चे बिल निघाले आहे. असे रोजगार हमी कार्यालयाकडून समजते. ज्या वेळेला ग्रामपंचायत न हरकत दाखला देते त्यावेळेला कुशलचे बिल मिळते. तर मग रस्ता नादुरुस्त आहे त्या रस्त्याने सतत रहदारी असते रस्त्यावरती खड्डे पडलेले आहेत सध्या रस्त्यावर कसलाच मुरूम नाही सर्व माती आहे या मातीवरून दुचाकी चार चाकी घसरून अनेक अपघात होतात .
असे असताना ग्रामपंचायतीने न हरकत दाखला कसा काय दिला हा एक गंभीर प्रश्न आहे. दाखला देण्याबद्दल गावातील कोणत्याही नागरिकांची तक्रार नाही. परंतु आजच्या मीतिला त्या रस्त्यावर दोन ते तीन इंचाचा मुरूम भरला असता तर भविष्यातील अपघात टाळले असते ,आणि मुरूम भरल्यानंतरच ग्रामपंचायत ने हरकत दाखला देण्यास नागरिकांची हरकत नव्हती.
तेल गेले तूप गेले …
या म्हणी प्रमाणे रस्ता मुरुमीकरण म्हणून मंजूर झाला त्या रस्त्यावर मातीकरण केले त्याची बिलेही निघाली ग्रामपंचायतने न हरकत दाखलाही दिला, आणि पूर्वी असणारा मातीचा रस्ता आहे तसाच राहिला. जर त्या रस्त्यावर मुरमीकरण केले होते तर त्या रस्त्यावरील मुरूम कुठे गेला हा संशोधनाचा विषय आहे. याबाबतीत ग्रामपंचायतने पुढाकार घेऊन त्या रस्त्यावरील होणारे अपघात टाळण्यासाठी त्या रस्त्यावर कमीत कमी दोन इंचाने तरी मुरम टाकावा अशी मागणी नागरिकांतून होत आहे.
